«Մեր համեստ լուման ներդնելով այս գործում, մենք առավելագույնն ենք արել, որ ծրագիրը բոլոր պահանջներին համապատասխան լինի, մեր համեստ լուման ներդնելով այս գործում: Արդյունքները ծառայելու են հոգեկան առողջության լավացմանը»,- այսօր «Հոգեկան առողջություն եւ հոգեկան խանգարում. կիզակետում Եվրազիան է» թեմատիկ գիտաժողովի ժամանակ նշեց Հայկական հոգեբուժական ասոցիացիայի նախագահ Արմեն Սողոյանը:
Գիտաժողովին կմասնակցեն շուրջ 300 մասնագետներ աշխարհի տարբեր երկրներից: Ի թիվս աշխարհահռչակ այլ գիտնականների Երեւանում են հոգեբուժության համաշխարհային ասոցիացիաների նախագահներ եւ ներկայացուցիչներ:
Պարոն Սողոյանի խոսքով Հայաստանում հոգեկան առողջության իրավիճակն այնպիսին է, որ մասնագետները պատրաստ են իրականացնել բարեփոխումներ:
ՀՀ առողջապահության նախարար, պրոֆեսոր Դերենիկ Դումանյանի պնդմամբ նման հզոր մասնագետների շնորհիվ Երեւանն այսօր դարձել է համաշխարհային հոգեբուժության մայրաքաղաք.
Կարդացեք նաև
«Չկա առողջություն առանց հոգեկան առողջության, ամբողջ աշխարհում մեծանում է հոգեկան առողջության ապահովման բեռը պետությունների եւ հասարակությունների վրա: Հոգեկան առողջության ոլորտի բարելավման նպատակով նախարարությունը մշակել եւ ներկայացրել է հոգեկան առողջության պահպանման եւ բարելավման հարցը»:
Նախարարի խոսքով Նախարարությունը շատ ոլորտներում ակտիվորեն համագործակցում է մասնագիտական ասոցիացիաների հետ: Հոգեկան առողջության ոլորտի խնդիրների լուծման գործում մեծ է հասարակական ասոցիացիաների եւ կազմակերպությունների դերը: Գիտաժողովը կնպաստի հոգեկան առողջության պահպանմանը Հայաստանում եւ ամբողջ Եվրազիայում: 220 գիտնական է մասնակցում գիտաժողովին, իսկ ամենամեծ պատվիրակությունը Ռուսաստանի դաշնությունից է:
Միայն այսօր պարոն Դումանյանը ցավով է նշում, որ երիտասարդները խուսափում են հոգեբույժ մասնագիտությունից, ՀՀ-ում կա 150 հոգեբույժ, ինչը բավականին քիչ է, անհրաժեշտ է կրկնակի ավել ցուցանիշ ստանալ:
Հայաստանի հոգեբանների ասոցիացիայի նախագահ Խաչատուր Գասպարյանի համոզմամբ այս գիտաժողովը ընդգրկուն է, լուսաբանելու է հոգեկան առողջության եւ հոգեկան խանգարման հարցերը:
Գիտական ծրագրում ընդգրկված են 8 պլենար դասախոսություն, 27 սիմպոզիում, ընդհանուր առմամբ՝ 120-ից ավել զեկույց: Նախատեսվում է համաշխարհային ասոցիացիաների նախագահների խորհրդակցություն եւ «Երեւանյան հռչակագրի» ստորագրում:
Ծրագրում ներառված են հոգեկան առողջության ոլորտի բազմաբնույթ հարցեր, այդ թվում զեկուցումներ Հայոց ցեղասպանության, երկրաշարժի երկարատեւ հետեւանքների, միջնադարյան շրջանի հոգեթերապիայի հայկական մոտեցումների վերաբերյալ:
Անժելա ՇԱՀՈՒՄՅԱՆ
