Լրահոս
Օրվա լրահոսը

Enet. «Հայազգի դետեկտիվ գրողին շնորհվել է «Գյոթե»-ի մեդալ»

Օգոստոս 30,2013 19:50

Հունահայ գրող Պետրոս Մարգարիսն արժանացել է գերմանական «Գյոթե» հեղինակավոր մրցանակին: Հայտնում է «Էնեթ» լրատվականը:

76-ամյա դետեկտիվ ժանրի գրողին մրցանակը տրվել է` «գերմաներենի և միջազգային մշակութային կապերի ոլորտում մեծ ներդրումների համար»:

Տարին մեկ «Գյոթե»-ի մեդալով են պարգևատրվում ոչ գերմանացի գործիչները, որոնք տարածում են գերմանական մշակույթն ու լեզուն, այն տրվում է Գյոթեի ինստիտուտի կողմից:

Օգոստոսի 28-ին Վեիմար քաղաքում պարգևատրման արարողության ժամանակ, որին ներկա էր Գերմանիայի փոխարտգործնախարար Կոռնելյա Պիպերը, երեկոյի կազմակերպիչներն ասել են, որ Մարգարիսը ուշադրության է արժանացել որպես կամուրջ գերմանահունական հարաբերություններում և «երկու երկրների վրա հստակ, վերլուծական աչք պահպանելու համար, նույնիսկ ճգնաժամային ժամանակներում»:

Մարգարիսը ծնվել է 1937թ. Ստամբուլում: Նրա հայրը հայ էր, մայրը՝ հույն: Նա գրում է հունարեն, թուրքերեն և գերմաներեն: Մրցանակը ստանալիս Մարգարիսն ասել է, որ գերմաներեն գրելու համար պարտական է իր հորը, քանի որ նա է իրեն դրդել սովորել այդ լեզուն:

 

Պատրաստեց Հովհաննես ԻՇԽԱՆՅԱՆԸ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

Օրացույց
Օգոստոս 2013
Երկ Երե Չոր Հնգ Ուրբ Շաբ Կիր
« Հուլ   Սեպ »
 1234
567891011
12131415161718
19202122232425
262728293031