Aravot.am-ը ԿԳ նախարար Արմեն Աշոտյանին խնդրեց մեկնաբանել ԱԺ ԲՀԿ-ական պատգամավոր Գուրգեն Արսենյանի՝ Դիլիջանի դպրոցին հարկային եւ մաքսային արտոնություններ տրամադրելու այն հայտարարությունը թե, ինքը սկզբունքորեն դեմ չէ որեւէ դպրոցի կամ կրթական ծրագրի իրականացմանը մեր երկրում, ուղղակի դեմ է երկրի հաշվին լավություն անելուն: Գուրգեն Արսենյանը նաեւ ասել էր, որ իշխանություններն իրենց ապաշնորհությունը քողարկում են այս կամ այն նախագծին արտոնություններ տրամադրելով, մինչդեռ ինչ-որ մեկի՝ փող բերելը Հայաստան, ամենեւին էլ լավություն չէ:
«Ցանկություն չունեմ մեկնաբանելու կարծիքներ, որոնց հետ համաձայն չեմ»,-ասաց ԿԳ նախարարը: Ապա քիչ անց հավելեց. « Հայաստանում այդ դպրոցի բացումը խոշորագույն կրթական ներդրում է անկախության ողջ տարիների ընթացքում: Եվ ես անհամբեր սպասում եմ, թե երբ է սկսելու այն աշխատել: Իհարկե այն համադարման չի լինելու, եւ որեւէ մեկը մեսիական ակնկալիքներ չունի, բայց մենք ունենք կարիք տարածաշրջանում նման դպրոց ունենալու»:
Գոհար ՀԱԿՈԲՅԱՆ
Կարդացեք նաև
