Լրահոս
Օրվա լրահոսը

Դիտորդները ՀՌԱՀ-ին առաջարկում են գենդերային վերլուծություն իրականացնել

Դեկտեմբեր 07,2013 13:00

Հեռուստատեսության եւ ռադիոյի ազգային հանձնաժողովի (ՀՌԱՀ) նախկին նախագահ Գրիգոր Ամալյանը, որն այսօր մասնակցում էր «Անի պլազայում» կայացած ՀՀ վերջին ԱԺ եւ նախագահական ընտրությունների վերաբերյալ դիտորդական առաքելություն իրականացրած միջազգային եւ տեղական դիտորդական կազմակերպությունների ներկայացրած առաջարկությունների վերաբերյալ հանրային քննարկմանը`անդրադարձավ լրատվամիջոցների հիմնախնդիրներին: ԿԸՀ նախագահ Տիգրան Մուկուչյանը Գրիգոր Ամալյանին ասաց, որ դիտորդները հանդես են եկել առաջարկությամբ, որ հեռարձակվող քարոզչական նյութերում նշագրում արվի, որ տվյալ նյութը քարոզչական է:

Բացի այդ`ըստ դիտորդական առաքելությունների ներկայացրած առաջարկությունների` հանրային լրատվամիջոցները պետք է ապահովեն, որ կանայք իրենց լուսաբանումներում նվազ ներկայացված չլինեն, եւ ըստ նրանց, կանանց քաղաքական մասնակցությունը խթանելու համար կարող են ձեռնարկվել ժամանակավոր հատուկ միջոցներ, օրինակ, կին թեկնածուներին լրացուցիչ եթերաժամանակ տրամադրել, պահանջել կուսակցություններից հարցազրույցների համար կին թեկնածուներ առաջարկել եւ  «Կանայք քաղաքականությունում» թեմայի վերաբերյալ  հաղորդումներ ցուցադրել: Ինչ վերաբերվում է ՀՌԱՀ-ին, ապա այն կարող է իրականացնել գենդերային վերլուծություն իր դիտարկման շրջանակներում:

Եվա ՀԱԿՈԲՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2013
Երկ Երե Չոր Հնգ Ուրբ Շաբ Կիր
« Նոյ   Հուն »
 1
2345678
9101112131415
16171819202122
23242526272829
3031