Mardik.am․ Երեկ ավագանու նիստից հետո Mardik.am-ի թղթակիցն ականատես եղավ, թե ինչպես ավագանու ՀՀԿ խմբակցության անդամ Հրանտ Թոխատյանը մոտեցավ «Բարև Երևան» խմբակցության անդամ Ստեփան Սաֆարյանին և հարցրեց, թե արդյոք նա չի ցանկանում իրենից ներողություն խնդրել` իրեն վիրավորելու համար:
Ստեփան Սաֆարյանը պատասխանեց, որ չի պատրաստվում ներողություն խնդրել, քանի որ, ինչպես Հրանտ Թոխատյանն է համարում, որ ինքը իրեն վիրավորել է, այնպես էլ ինքն է համարում, որ Հրանտ Թոխատյանն է իրեն վիրավորել: Հրանտ Թոխատյանն էլ նշեց, որ իր հայտարարությունն այն մասին, որ Հայաստանում կառուցողական ընդդիմություն չկա, պարզապես իր կարծիքն է եղել, իսկ Ստեփան Սաֆարյանի ասածն արդեն վիրավորանք է:
«Դուք ինձ և իմ գործընկերներին եք վիրավորել»,-ասաց Ստեփան Սաֆարյանը և Հրանտ Թոխատյանին կոչ արեց չհամարձակվել իշխանությանն արդարացնել ընդդիմությանն ու ընդդիմադիր մարդկանց վիրավորելով ու ոչնչացնելով:
«Դուք շատ փոքր եք ինձ վիրավորելու համար»,-բացականչեց Հրանտ Թոխատյանը, իսկ Ստեփան Սաֆարյանն էլ պահանջեց իրեն չվիրավորել: «Ես քաղաքականության մեջ եմ գաղափարներ ու սկզբունքներ հարգելու ու պաշտպանելու, այլ ոչ թե մեծ ու փոքր խաղալու համար: Հարգեք, որ պատասխանը` հարգանք ստանաք»,-պատասխանեց Սաֆարյանը:
Կարդացեք նաև
Խոսակցությունը գնալով թեժացավ և ավագանու անդամները սկսեցին միմյանց հետ բարձր տոնով խոսել:«Այդ տոնով ինձ հետ չխոսես»,-ասաց Հրանտ Թոխատյանը։ «Դու էլ ինձ վրա մատ թափ չտաս»,-պատասխանեց Ստեփան Սաֆարյանը, իսկ Հրանտ Թոխատյանն էլ ավելացրեց, որ թափ կտա և եթե նույնիսկ պետք լինի` կծեծի էլ: «Հապա բախտդ փորձիր»,- արձագանքեց Ստեփան Սաֆարյանը:
Խոսակցությանը միջամտեց «Բարև Երևան» խմբակցության ղեկավար Անահիտ Բախշյանը, ով փորձեց մեղմել իրավիճակը: Վեճին ականատեսներն էլ հորդորեցին «դուք»-ով խոսել միմյանց հետ:
Մանրամասները՝ Mardik.am-ի կայքում:
Եթե մարդը, այն էլ հասարակական ճանաչում ունեցողը հանրապետության ներկայում և ապագային առնչվող հարցերում իշխանության այսքան ձախողումներից հետո չի խորշում այդ իշխանության կուսակցության ֆրակցիային անդամակցելուց, նշանակում է`նա պարզապես ֆինանսատնտեսական շահ է հետապնդում, այսինքն`առաջնորդվում է շահադիտական նպատակներով: Ավելին ասել պետք չէ` ամեն ինչ պարզից էլ պաչզ է…
И ты,Грант?