Այսօր Երեւանում անցկացվող «ԵՄ-Հայաստան հարաբերությունների հեռանկարները Արեւելյան գործընկերության վիլնյուսյան գագաթաժողովից հետո» համաժողովի ժամանակ մասնակիցներից մեկը Հայաստանում Գերմանիայի լիազոր դեսպան Ռայներ Մորելից հետաքրքրվեց` ինչո՞ւ են ամերիկացիները, եվրոպացիները, մասնավորապես Գերմանիայի արտաքին գործերի նախարարը, Եվրամայդանում ընդդիմության կողքին, իսկ Հայաստանում «Մարտի 1» եղավ, բայց ընդդիմության կողքին չկանգնեցին, ինչո՞ւ եք տարբերություն դնում:
«Ես կարծում եմ, որ այնտեղ վառվող հարց կա: Վտանգը` սխալ ուղղությամբ շարժվելու կա եւ վտանգը այնքան մեծ է, որ եվրոպացի քաղաքական գործիչները պարտավորություն ունեն այնտեղ լինել եւ փորձեն իրավիճակը հարթել, հանգստացնել: Բայց սա չի նշանակում, որ մենք չենք ներգրավված այլ երկրներում: Կարծում եմ` իմ ասածի արդյունքն է Հայաստանի հետ կապված հայտարարությունը Վիլնյուսում; Մենք ունենք համատեղ հայտարարությունը` շարունակելու ենք մեր պարտավորություններն իրականացնել, եթե Հայաստանը ցանկանում է դա անել, պետք է պարզենք` ինչ ձեւով: Այնպես որ, այդ ներգրավվածությունը կա»,- պատասխանեց պարոն Մորելը:
Արփինե ՍԻՄՈՆՅԱՆ
Reuters-ի լուսանկարում՝ Գերմանիայի ԱԳ նախարարը դեկտեմբերի 4-ին այցելել էր ուկրաինացի ցուցարարներին