Հունվարի 1-ին, ժամը 18.35-ին ահազանգ է ստացվել, որ Երևանի Նոր Նորքի 1-ին զանգվածում՝ «Ելակ» սուպերմարկետի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահատված հանգամանքներում բախվել են «Ֆոլկսվագեն գոլֆ» մակնիշի 18SO235 պետհամարանիշի և «Սենս» մակնիշի S7163 պետհամարանիշի ավտոմեքենաները, ինչի հետևանքով «Սենս» մակնիշի ավտոմեքենայի վարորդ` 1966թ. ծնված Ա. Խ.-ն և «Ֆոլկսվագեն գոլֆ» մակնիշի ավտոմեքենայի ուղևորը ստացել են տարբեր մարմնական վնասվածքներ:
Հրշեջ-փրկարարները Ա. Խ.-ին դուրս են բերել ավտոմեքենայից, վերջինս հոսպիտալացվել է «Սրբ. Գրիգոր Լուսավորիչ» ԲԿ, որտեղ բժիշկները տուժածի առողջական վիճակը գնահատել են միջին ծանրության:
«Ֆոլկսվագեն գոլֆ» մակնիշի ավտոմեքենայի ուղևորը հրաժարվել է բուժօգնությունից:
ԱԻՆ
