Ֆրանսիացիների ներկայացրած ատամի խոզանակը պետք է մաքրի բերանի խոռոչն ամբողջությամբ: Գրում է rosbalt.ru-ն:
«Արդյունաբերության այս ճյուղը երկար ժամանակ է չի աճում: Գաղափարն այն է, որ պետք է մաքրել ոչ թե արագ, այլ խելացի եղանակով»,- ասել է խոզանակի հեղինակ Լոիկ Ցեսոտը:
Kolibree անունով ատամի խոզանակը ունի սենսոր, որը ցույց է տալիս քանի ատամի քար է պոկվում ատամից այն մաքրելիս: Ամեն անգամ մաքրելուց հետո տվյալները պահվում են, այդպես խոզանակից օգտվողները կարող են հետեւողականորեն մաքրել բերանի խոռոչը: Սարքը տեղեկատվությունը փոխանցում է անլար սմարտֆոնային ալիքի միջոցով՝ հնարավորություն տալով հատկապես ծնողներին հետեւել իրենց երեխաների ատամների մաքրությանը:
Խոզանակը համաշխարհային շուկա դուրս կգա ընթացիկ տարվա երրորդ եռամսյակում` 99-200 դոլար արժողությամբ՝ կախված մոդելից, հետը լինելու է նաեւ անվճար բջջային հավելված:
