«Առավոտ»-ին տված հարցազրույցում «Սոցիալական արդարություն» կուսակցության նախագահ, մարդու իրավունքների եւ խաղաղության ոլորտում միջազգային մրցանակների դափնեկիր, «Հելսինկյան նախաձեռնություն-92»-ի՝ Լեռնային Ղարաբաղի կոմիտեի համակարգող Կարեն Օհանջանյանն անդրադարձավ ԼՂՀ իշխանությունների հասցեին իր կողմից հաճախակի դարձած քննադատության պատճառներին:
«Ղարաբաղի ներկայիս ղեկավարությունը, որը եռանդով եւ առանց ամաչելու սեփական բիզնես հետաքրքրություններն է առաջ մղում, արժե, որ չմոռանար սեփական ժողովրդի պատմության ոչ վաղ անցյալի դասերը, երբ ռազմական ղեկավարի առանձնատունը իշխանության որոշմամբ մանկապարտեզ դարձավ: Գործող իշխանությունը պետք է իմանա, որ մարդկային կարիքներին ոչ համաչափ, անազնիվ միջոցներով կառուցված եւ կառուցվող առանձնատները նույնպես ազգայնացնելու եւ վերածվելու են, օրինակ՝ պատերազմի վետերանների համար առողջարանների», նկատեց ղարաբաղցի իրավապաշտպանը:
«Հելսինկյան նախաձեռնություն-92»-ի՝ Լեռնային Ղարաբաղի կոմիտեի համակարգող Կարեն Օհանջանյանի հետ մեր հարցազրույցը կարդացեք վաղվա «Առավոտ»-ում:
Էմմա ԳԱԲՐԻԵԼՅԱՆ
