Լրահոս
Օրվա լրահոսը

Սյունիքում նվազել են ապօրինի ծառահատման դեպքերը

Հունվար 12,2014 18:43

ՀՀ բնապահպանական պետական տեսչության Սյունիքի տարածքային բաժինն ամփոփել է 2013թ.-ին մարզում արձանագրված անտառխախտման, որսագողության եւ շրջակա միջավայրին հասցված մյուս վնասները:

2013թ-ին  ընդհանուր առմամբ վարչական որոշումներ են կայացվել 20 անձանց նկատմամբ:  Միայն բուսական աշխարհին  հասցված վնասի համար՝  15 անձանց նկատմամբ կիրառվել է 420 հազար դրամ վարչական տուգանք: Որսի կանոնները խախտած մեկ անձ տուգանվել  է 70 հազար դրամ գումարով, իսկ բնապահպանական եւ բնօգտագործման վճարների եռամսյակային հաշվետվությունները սխալ ներկայացրած  տեսչության կողմից հսկվող ընկերություններից 2 աշխատակից ընդհանուր 100 հազար դրամի վարչական տուգանքի են ենթարկվել: «Հողերի խախտումների համար 200 հազար դրամ ընդհանուր  գումարով 2 անձ ենթարկվել է  վարչական տուգանքի: Ձկնային պաշարին հասցված վնասը  ընդհանուր կազմել է 543 հազար դրամ, որից 445 հազար դրամի խախտում արձանագրվել է Սիսիանի տարածաշրջանում (ձկնագողության դեպք), իսկ մնացածը՝  Ողջի գետի ձկնային պաշարին հասցված վնասն էր», -ասաց Սյունիքի տարածքային բաժնի պետ Լեւոն Պետրոսյանը:

2012թ-ի համեմատ 2013 թվականին  նվազել է ապօրինի ծառահատման դեպքերը՝ 21 դեպքից հասնելով 15-ի: Զրուցակցիս անտառախախտման դեպքերի նվազումը պայմանավորում է մարդկանց ինքնագիտակցության բարձրացման եւ բնակիչներին 8 խ.մ անվճար թափուկի տրամադրմամբ: Հիմնական անտառխախտումներն արձանագրվել են գյուղական վայրերի հարակից անտառներում, որտեղից բնակիչները ձմեռվա վառելափայտի պաշարն էին փորձում դիզել: Ինչպես մեր բազմաթիվ հրապարակումներում տեղեկացրել ենք՝ գյուղացիները ձմռան շեմին միշտ վառելափայտի հայթայթման մեծ խնդրի առջեւ են կանգնում. գյուղերը գազաֆիկացված չեն, տրամադրվող անվճար թափուկը բավական չէ ձմեռը տաքանալու համար, իսկ օրինական ճանապարհով վաճառվող վառելափայտն էլ թանկ է եւ գյուղացու գրպանին մատչելի չէ:

Մերի ՍՈՂՈՄՈՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2014
Երկ Երե Չոր Հնգ Ուրբ Շաբ Կիր
« Դեկ   Փետ »
 12345
6789101112
13141516171819
20212223242526
2728293031