Հունվարի 13-ին Տավուշի մարզի Բերդի տարածաշրջանի Տավուշ գյուղում պայմանագրային զինծառայող, 28-ամյա Հովսեփ Իսրայելյանը խեղդամահ է արել իր կնոջը՝ 26-ամյա Հասմիկ Զաքինյանին: Դեպքը կատարվել է առավոտյան ժամը 7-ի սահմաններում, երբ նրանց երեխաները՝ 6-ամյա աղջիկը եւ 4-ամյա տղան քնած են եղել: Տավուշ գյուղի բնակիչները մեզ հայտնեցին, որ դեպքի պատճառը խանդն է եղել: Ամուսիններն այդ պատճառով մի քանի անգամ բաժանվել են, հետո՝ միացել: Պայմանագրային զինծառայողի խանդն ավելի է մեծացել, երբ մահացել են ընտանիքի հետ համատեղ ապրող Հովսեփի պապն ու տատը, Հովսեփը գտնվել է զինծառայության մեջ, կինը`տանը: Ամուսինները հերթական անգամ միանալուց հետո ապրել են Այգեպար գյուղում, դեպքից մի շաբաթ առաջ են վերադարձել Տավուշ գյուղում բնակվելու:
Հասմիկ Զաքինյանը ծագումով Բերդ քաղաքից է, նրա դին հարազատները տեղափոխել են Բերդ, որպեսզի այնտեղ կատարվի նրա հուղարկավորությունը: Ընտանիքի երեխաները ներկայումս գտնվում են Տավուշ գյուղում, Ռուսաստանից ժամանում է Հովսեփի հայրը, որպեսզի ստանձնի նրանց խնամքը: Հովսեփ Իսրայելյանը ձերբակալված է, քրեական գործի քննությամբ զբաղվում է զինվորական կայազորային դատախազության քննչական բաժինը:
Ոսկան ՍԱՐԳՍՅԱՆ
Վամպիրիզմի գենետիկ հիվանդությունը կապ ունի* խանդի հետ: