Aravot.am-ի հետ զրույցում Բարձրագույն որակավորման հանձնաժողովի (ԲՈՀ) նախագահ Լիլիթ Արզումանյանը նշեց, որ համակարգը կարիք ունի առողջացման ու այդ առումով շատ անելիքներ կան:
Aravot.am-ը տիկին Արզումանյանից հետաքրքրվեց՝ սովորաբար ընդունված գործելաո՞ճ է, թե՞ վերջին դեպքը յուրօրինակ է նրանով, որ կազմակերպության ղեկավարը նաև հայցորդի գիտական ղեկավարն է և ԲՈՀ–ի կոլեգիայի անդամը: Խոսքը Հայաստանի պետական տնտեսագիտական համալսարանի ռեկտոր, ԲՈՀ-ի կոլեգիայի անդամ, Տարոն Մարգարյանի ատենախոսության գիտական ղեկավար Կորյուն Աթոյանի մասին է: Հարցրինք՝ չի՞ կարելի ինչ-որ ձեւով այնպես կարգավորել հարցը, որ ԲՈՀ-ի կոլեգիայի անդամը չլինի ատենախոսության գիտական ղեկավար:
ԲՈՀ-ի ղեկավարն էլ, ի պատասխան ասաց. «Դա կարգավորելու կարիք չունի, օրինակ՝ կոլեգիայի անդամ է նաեւ ԳԱԱ նախագահը, որը բնականաբար իրավունք ունի աշակերտներ պատրաստել»:
Aravot.am-ի մյուս հարցին՝ ի՞նչ գնահատական կտա ՀՊՏՀ ռեկտոր, ԲՈՀ–ի կոլեգիայի անդամ, Տարոն Մարգարյանի գիտական ղեկավար Կորյուն Աթոյանի գործելաոճին, որը բացահայտ խախտեց բաց պաշտպանությունների համար ԲՈՀ–ի սկզբունքները, տիկին Արզումանյանը պատասխանեց, որ շատ է ցավում, եւ նման բան ռեկտորն իրավունք չուներ անել:
Կարդացեք նաև
Չինովնիկների «գիտնականացման» գործընթացի մասին էլ մեր զրուցակիցն ասաց. «Ճիշտն ասած, մի քանի անգամ հարց եմ բարձրացրել, որ ԲՈՀ-ի կանոնակարգում փոփոխություն արվի, անկախ երկու դեպքից (Տարոն Մարգարյանի եւ Արման Սահակյանի), որ պաշտոնավարման ընթացքում պաշտոնյաները չկարողանան պաշտպանել, բայց, ցավոք սրտի, վատ արձագանք է ստացվել: Ասում են՝ դա մարդու իրավունքների դեմ ոտնձգություն է: Արդյունքում՝ այդպես էլ որեւէ փոփոխություն չարվեց»: Լիլիթ Արզումանյանը հավելեց, որ Տարոն Մարգարյանի աշխատանքը եւս փորձաքննության տրվի: Նաեւ հավելեց. «Ընդհանրապես հաշվի առեք մի բան՝ մարդուն գնահատում է մասնագիտական խորհուրդը, ի՛նքն է տեսնում, թե ինչպես է հայցորդը խոսում, պատրաստվա՞ծ է, թե՞ ոչ, խորհուրդն է հարցեր տալիս: ԲՈՀ-ն այդ առումով ավելի կաշկանդված վիճակում է, ԲՈՀ-ը փորձաքննության է դնում իր առաջ դրված դիսերտացիան, աշխատանքը: Մենք աշխատանքով ենք դատում, արժի՞ տալ վկայագիր»:
Գոհար ՀԱԿՈԲՅԱՆ
ԲՈՀ- ը , ի դեմս ներկայիս նախագահի ու նաև իր նախորդի, դարձել է այս անդեմ ու գավառա-
միտ համակարգի պատանդը:
Այստեղից` եզրակացություն •••