Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանը մտել է խորհրդակցական սենյակ, պաշտպան Համազասպուհի Գրիգորյանի միջնորդության համար:Նրա պաշտպանյալին՝ Արթուր Անդրեասյանին պատգարակով անցյալ տարվա դեկտեմբերին տեղափոխել են էրեբունի բուժկենտրոն, ապա դատապարտյալների հիվանդանոց:Ամբաստանյալը գլխուղեղի հիվանդություն ունի, դժվար է տեղաշարժվում, անգամ ընկալում:
Առաջին դատական նիստին ներկայացած դատախազ Արթուր Երիցյանն առարկեց, իսկ տուժողներից մեկն էլ նկատեց, թե խարդախությամբ տիրացած գումարները տալուց հետո վիճակը կկարգավորվի:
Արթուր Անդրեասյանին մեղադրանք է առաջադրվել այն բանի համար, որ նա բուքմեյքերական գործունեությամբ և արտարժույթի առուվաճառքով զբաղվելու արդյունքում հայտնվելով փաստացի անվճարունակ վիճակում, 2010թ. հունիսին որոշել է ՀՀ ԿԱ ոստիկանությունում ղեկավար պաշտոններ զբաղեցնող գնդապետ Կարեն Բաբակեխյանի, գեներալ-մայոր Ներսես Նազարյանի, վերջինիս որդու Երևան քաղաքում գործող «Մոսկվիչկա» խանութների ցանցի սեփականատեր Արմեն Նազարյանի, ինչպես նաև նրանց ընտանիքների անդամների հետ ունեցած մտերմության ու և վստահությունը չարաշահելու եղանակով ձեռնարկատիրական գործունեության մեջ ներդնելու և դրա դիմաց շահույթներ ստանալու պատրվակով հափշտակել տարբեր քաղաքացիների առանձնապես խոշոր չափերով գումարները և ձեռք բերել իրավունք նրանց անշարժ գույքի նկատմամբ։
Կարդացեք նաև
Տուժողներից չորսը ներկա չէին նիստին:
Մանրամասները՝ քիչ հետո:
