«Ինչ վերաբերում է երկրորդ նախագահ-իշխանություն, կամ երկրորդ նախագահ-քաղաքական իշխող ուժ փոխադարձ նամակագրությանը կամ հայտարարություններին գրասենյակներից որեւէ հայտարարություն չի եղել,որովհետեւ ես որպես կուսակցության խոսնակ, թե վարչապետը, թե մեր կուսակցության ներկայացուցիչներն իրենց կարծիքներն արդեն արտահայտել են, իսկ այսօր էլ նախագահի խոսնակը ներկայացրեց պարոն նախագահի կարծիքը այդ հեռակա բանավեճի վերաբերյալ»,-ասաց հանրապետական կուսակցության գործադիր անդրանիկ նիստից անմիջապես հետո ՀՀԿ խոսնակ Էդուարդ Շարմազանովը:
Ինչ վերաբերվում է դիրքերի հետ կապված հարցադրմանը, պարոն Շարմազանովն ասաց. «Այսօր պաշտպանության նախարարը կառավարության նիստին հանդես է եկել հայտարարությամբ, մենք որպես քաղաքական իշխանություն մեր կարծիքը հետեւյալն է. ԼՂ հիմնահարցը պետք է ունենա բացառապես խաղաղ կարգավորման, որեւէ զինված միջամտություն, որեւէ դիվերսիոն գործողություն բնականաբար անթույլատրելի է»:
ՀՀԿ խոսնակ Էդուարդ Շարմազանովն ասաց, որ 152 000 հանրապետական կուսակցության ներկայացուցիչ կա, բոլոր համայնքներն ունեն սկզբնական կառույցներ, գրասենյակներ:
Անցյալ տարի, ըստ Է.Շարմազանովի, տեղի են ունեցել երեսուներկու համայնքներում ընտրություններ, որոնցից հաջողության են հասել քսանչորսում հանրապետական կուսակցության ներկայացուցիչները: Այսօր ներկայացվել է գալիք ընտրությունների մասին հարցը. ինսունհինգ համայնքներում այս տարի կլինեն ընտրություններ, որոնցից ամենախոշորներն են Ջերմուկն ու Գորիսն են: Հանրապետականը կառաջադրի թեկնածուներ:
Կարդացեք նաև
Ռուզան ՄԻՆԱՍՅԱՆ
