«Կարգին սերիալից» դերասան Հայկ Մարությանը առաջիկա ամիսներին հեռուստադիտողին ներկայանալու է նոր ֆորմատով հումորային հաղորդմամբ: «Շատ հետաքրքիր նախագիծ է: Հայաստանում չարված ֆորմատ է: Որը աշխատանքի առումով շատ դժվար է, իսկ դիտելու համար հետաքրքիր ու բավականին ծիծաղելի»,- ասաց Հայկ Մարությանը:
Խաղընկերը Մկրտիչ Արզումանյանը չի լինելու: «Առանձին եմ հանդես գալու, Սոլո ծրագիր է, համահեղինակներից եմ եւ գլխավոր դերակատարը»,-ասաց դերասանը:
Aravot.am-ը դերասանից նաեւ հետաքրքրվեց քաղաքացիական ճնշմա՞ն, թե՞ քաղաքական որոշման արդյունք է համարում ՍԴ-ի որոշումը՝ պարտադիր կուտակային վճարներ կատարելու պարտավորությանը վերաբերող օրենքի դրույթների ժամանակավոր կասեցման վերաբերյալ. « Չգիտեմ՝ ներսի խոհանոցում ինչ է կատարվել, բայց վստահ եմ, որ ատիվությունն ու ճնշումը իր դերը խաղացել է ու միշտ էլ խաղալու է: Դրա համար էլ մեր ժողովրդին խորհուրդ եմ տալիս, ինքս ինձ էլ հորդորում եմ՝ պետք է ակտիվ լինել: Եթե ինչ-որ մի բան դուրդ չի գալիս, պետք է ասել, եթե գալիս է՝ նորից ասել: Այսինքն, միայն բողոքելով չենք սահմանափակվում: Եթե ինչ-որ մի բան լավ է ու տեսնում ենք, որ մեր ձեռքից ուզում են վերցնել, պետք է ասել՝ ոչ , էս մեկը լավն է, թողեք»:
Հայկ Մարությանը շարունակելու է հետեւել օրենքի վերաբերյալ զարգացումներին:
Կարդացեք նաև
Արփինե ՍԻՄՈՆՅԱՆ
« Չգիտեմ՝ ներսի խոհանոցում ինչ է կատարվել, բայց վստահ եմ, որ ատիվությունն ու ճնշումը իր դերը խաղացել է ու միշտ էլ խաղալու է: Դրա համար էլ մեր ժողովրդին խորհուրդ եմ տալիս, ինքս ինձ էլ հորդորում եմ՝ պետք է ակտիվ լինել: Եթե ինչ-որ մի բան դուրդ չի գալիս, պետք է ասել, եթե գալիս է՝ նորից ասել:
Այո, երկուսն էլ պետք է ասել, նաեւ լավը, եւ երկուսի համար էլ պետք է պայքարել: Լավի համար` որ մնա, վատի համար` որ չգա:
Մենակ թե պետք չի հանգստանալ. էդ որոշումը ավելի շատ ժամանակ շահելու համար ա. Այ, եթե Հայաստանը սերժիկից ու հանրապետական աղբից մաքրվի, կարելի ա հանգիստ շունչ քաշել.
Լավ կլինի, երն Հայաստանը մաքրվի Սերժ Սարգսյանից, ՀՀԿ-ից ու նաև Ռուսաստանից: