«Ձեզ տեսնենք Հայաստան և Ադրբեջան, պետք է ռիվոկ կատարեք և առաջընթաց գրանցեք հակամարտության կարգավորման հարցում»-այսօր ԵԽԽՎ Ձմեռային նստաշրջանի առաջին օրը, հրաժեշտ տալով Վեհաժողովի նախագահի պաշտոնին և վերլուծելով իր՝ նախագահի պաշտոնում կատարած գործունեությունը, այսպիսի կարծիք հայտնեց ԵԽԽՎ նախկին նախագահ Ժան Կլոդ Մինյոնը: Մասնավորապես անդրադառնալով հայ-ադրբեջանական հարաբերությունների սերտացմանն ու խնդրի կարգավորմանը՝ պարոն Մինյոնը նշեց. «Կարծում եմ՝ ինձ հաջողվել է սերտացնել հայ-ադրբեջանական հարաբերությունները»: Հիշեցնելով, որ այս տարվա մայիսին Ադրբեջանը ստանձնելու է ԵԽԽՎ Նախարարների կոմիտեի նախագահությունը, պարոն Մինյոնը հույս հայտնեց, որ համապատասխան ջանքեր ադրբեջանական կողմից ևս կցուցաբերվեն հակամարտության կարգավորման հարցում առաջընթաց գրանցելու հարցում:
Ամփոփելով խոսքը՝ Ժան Կլոդ Մինյոնն ասաց, որ Մինսկի խումբը պետք է շարունակի աշխատել հակամարտության կարգավորման ուղղությամբ:
Տաթև ՀԱՐՈՒԹՅՈՒՆՅԱՆ
