Լրահոս
Օրվա լրահոսը

Ռոբերտ Քոչարյանն ու Տիգրան Սարգսյանը «ազնիվ» պիտակավորեցին միմյանց. «Առաջին լրատվական»

Հունվար 31,2014 14:27

«Առաջին լրատվական»ի զրուցակիցն է «Հանրապետություն» կուսակցության քաղխորհրդի անդամ, Երևանի նախկին քաղաքապետ, նախկին ոստիկանապետ, գեներալմայոր Սուրեն Աբրահամյանը:

Պարոն Աբրահամյան, օրերս Մեղրիի մաքսային անցակետում մոտ 1 տոննա հերոին հայտնաբերվեց: Ձեր կարծիքով՝ ինչպե՞ս էր հնարավոր այդքան մեծ քանակությամբ թմրանյութ անցկացնել սահմանը: Կարո՞ղ ենք ենթադրել, որ եթե այս անգամ փորձ է արվել նման խմբաքանակի թմրանյութ անցկացնել, ապա մինչ այդ էլ, իհարկե՝ ոչ մեծ քանակությամբնման դեպքեր եղել են և հաջողություն են գրանցել:

– Անկեղծ ասած, այս դեպքը մտորումների տեղիք է տալիս, որովհետև եթե խոսքը 1 տոննա հերոինի մասին է, դա արդեն հանցավոր աշխարհի պրոֆեսիոնալ կարտելների, սինդիկատների մակարդակով խնդիր է: Բայց դրանք էլ այդքան պրիմիտիվ, առանց երաշխիքների փորձ չէին անի անցկացնել այդքան թմրանյութ: Բոլոր դեպքերում ես զերծ կմնամ ավելորդ մեկնաբանություններից: Եթե ես իրավիճակին լիարժեքորեն չեմ տիրապետում, չեմ կարող ավելի բան ասել:

Կարծիքներ հնչեցին, որ այդքան թմրանյութ առանց որոշ անձանց «բարձր հովանավորության» հնարավոր չէր լինի անցկացնել սահմանը: Ձեր կարծիքով՝ նմանօրինակ գործարքների հովանավորները իրավապահ մարմինների ներկայացուցիչնե՞ր են, քաղաքական դեմքե՞ր, թե՞ բոլորովին այլ անձինք:

– Գիտեք, ես մի քիչ կասկածում եմ: Եթե, ասենք, մաքսատան աշխատողները լինեն միջին կամ բարձր կարգի, ապա ես կարծում եմ՝ նրանք առյուծի սիրտ չեն կերել, որ նման գործարքի մեջ մտնեն: Կամ էլ նրանք ահավոր թերահավատ տպավորություն կամ կարծիք ունեն մեր իրավապահ համակարգի նկատմամբ. նկատի ունեմ մաքսայինի աշխատողներին: Ես ավելի խորը գնացող պատճառներ չեմ ուզում փնտրել: Եկեք բավարարվենք այնքանով, ինչ ունենք: Փառք ու պատիվ այն աշխատողներին, ովքեր կարողացել են այդ դեպքը բացահայտել:

 Սոնա Հարությունյան

Նյութի մանրամասները կարդացեք սկզբնաղբյուր կայքում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2014
Երկ Երե Չոր Հնգ Ուրբ Շաբ Կիր
« Դեկ   Փետ »
 12345
6789101112
13141516171819
20212223242526
2728293031