Ուկրաինայի ներքին գործերի նախարարությունը տեղեկություն ունի, որ զանգվածային ցույցերը նախապես ծրագրված է եղել և դիտարկվել է դրա ուժային սցենարը, հայտնել է ՆԳՆ գլխավոր քննչական վարչության պետի տեղակալ Ալեքսանդր Գնատիվը: Փոխանցում է «ՌԻԱ Նովոստի»-ին:
Ըստ նրա, հետաքննության շրջանակներում ոստիկանությունը առգրավել է մի ՏՏ ընկերության սերվեր, որը պարզվել է, որ պատկանում «Բատկիվշչինա» ընդդիմադիր կուսակցությանը:
«Տեղեկատվությունը, որը եղել է առգրավված սերվերի վրա, և որը վերաբերում է համաուկրաինական «Բատկիվշչինա» միավորման գործունեությանը, ցույց է տալիս, որ անցած տարվա նոյեմբերի 21-ին Կիևում սկսված զանգվածային ցույցերը ինքնաբուխ չէին, այլ նախապես ծրագրված էին: Հետաքննության տրամադրության տան կան նյութեր, որ այդ ցույցերի ծրագրման ժամանակ դիտարկվել է ուժային զարգացման տարբերակը», – ասել է Գնատիվը ուրբաթ օրը մամուլի ասուլիսի ժամանակ՝ նշելով, որ այդ նյութերում ասվում է՝ եթե ցուցարարների նկատմամբ ուժ կիրառվի, հասարակության շրջանում ցույցերը մեծ արձագանք կստանան, և կխաթարվի իշխանական համակարգի և երկրի նախագահի հեղինակությունը:
Գնատիվը տեղեկացրել է, որ ստացված նյութերն ուղարկվել են փորձաքննության՝ պարզելու, թե արդյոք այդ գործողությունների մեջ առկա է բռնի ուժով սահմանադրական կարգը խախտելու և իշխանությունը տապալելու գործոնը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
