Այսօր Արաբկիր Քանաքեռ-Զեյթուն վարչական շրջանների դատարանում
Բուդաղյանների գործով դատական նիստում կրկին քննիչ Ալեքսան Ղազարյանի կողմից գործին առնչվող նյութերի տրամադրման հարցն էր քննարկվում:
Բուդաղյանների փաստաբան Հայկ Ալումյանը պնդում էր, որ առանց ամբողջական նյութերի տրամադրման ինքը չի կարող հիմնավորել իր բողոքը, իսկ դատարանը չի կարող առանց դրանց ծանոթանալու օբյեկտիվ որոշում կայացնել, իսկ քննիչ Ղազարյանն ու դատախազը պնդում էին, որ դրանք տրամադրելու անհրաժեշտությունը չկա, հատկապես՝ ելնելով նախաքննության շահերից:
Հիշեցնենք, որ նախորդ նիստերին էլ քննիչն ու փաստաբանը տարաձայնությունների մեջ, հետո քննիչը որոշակի նյութեր ներկայացրեց, բայց ոչ ամբողջությամբ:
Այսօր դատարանը կրկին լսեց կողմերի բացատրությունները՝ նյութերի տրամադրել-չտրամադրելու վերաբերյալ ու հեռացավ խորհրդակցության սենյակ: Այս հարցով վճիռը կհրապարակի վաղը:
Կարդացեք նաև
Հիշեցնենք, որ այսօր շարունակվում էր Բուդաղյանների փաստաբան Հայկ Ալումյանի բողոքների քննությունը: Նա բողոքարկել էր Սուրիկ Խաչատրյանի որդու՝ Տիգրան Խաչատրյանի և թիկնապահ Զարզանդ Նիկողոսյանի նկատմամբ քրեական հետապնդումը դադարեցնելու մասին քննիչի որոշումները, ինչպես նաև դեպքի օրը սպանված Ավետիք Բուդաղյանի նկատմամբ քրեական հետապնդումը դադարեցնելու մասին որոշումը:
Արփինե ՍԻՄՈՆՅԱՆ
