«Բի Բի Սի»-ում Սոչիի մասին հրապարակած նյութում Ռաֆայել Սաակովն անդրադարձել է նաև Սոչիի հայությանը:
«Սոչին բազմազան էթնիկ խմբերով բնակեցված վայր է, որտեղ ամենամեծ համայնքը հայերինն է, գրեթե բնակչության 20%-ը: Ինձ համար՝ որպես հայի, Ալտմեց գյուղը ամենազգացական արժեքն ունի: Նրա հայերեն անունը Նոր Լույս է և այն համարվում է Սոչիի հայկական փոքրիկ անկյունը» – գրում է Սաակովը՝ նշելով, որ Նոր Լույսն ունի իր մատուռը, որի անունն է Սուրբ Նարեկ, ունի աղբյուր, որը տեղացիներին լեռներից մաքուր ջուր է մատակարարում, և տեղադրված է Մեսրոպ Մաշտոցի արձանը:
«Հայերի մեծ մասը Սոչի են գնացել Տրապիզոնից», – շարունակում է հոդվածագիրը,- «Շատերը շարունակում են պահպանել իրենց հայկական մշակույթն ու ավանդույթները, գրում են բանաստեղծություններ և նվագում ձեռքով սարքած երաժշտական գործիքների վրա»:
«Այն ամենն, ինչ կառուցել ենք այստեղ, կառուցել ենք ինքնուրույն: Ոչ մեկից օգնություն չենք խնդրել, չենք դիմել քաղաքային իշխանություններին», – ասում է տեղի թանգարանի համադրող Արտավազդ Ավջյանը: Խոսելով Օլիմպիական խաղերի մասին՝ նա նշում է, որ ոչ մի անելիք չունեն դրա հետ, – «և ոչ մի անելիք չունենք դրսից էկածների հետ ևս: Մենք ապրում ենք մեր կյանքով: Եթե ինչ-որ մեկն օգնում է, մենք ասում ենք՝ շնորհակալություն: Համենայն դեպս, ոչ ոք դժվարություններ չի ստեղծում մեզ համար»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
