Լրահոս
Օրվա լրահոսը

«Ադրբեջանը փորձում է որոշակիորեն ճնշում գործածել Հայաստանի վրա եւ, ինչո՞ւ չէ, ստուգել նաեւ հայկական Զինված ուժերի զգոնությունը». Սարգիս Ասատրյան

Փետրվար 08,2014 15:23

«Փուլ առ փուլ լարվածություն է նկատվում սահմանի վրա, սա ընդհանրապես կարելի է կապել որեւէ կարեւոր միջոցառման հետ, այս դեպքում կոնկրետ արտգործնախարարների հանդիպումն էր, եթե նայում ենք լարվածության ժամանակագրությանը ընդհանրապես դեպքերի ընթացքին տեսնում ենք, որ նմանատիպ միջադեպեր լինում են այն ժամանակ, երբ որ ինչ-որ կարեւոր իրադարձություն է տեղի ունենում, դա կարող է լինել նախագահական ընտրություններ, խորհրդարանական ընտրություններ, նախագահների հանդիպում, արտգործնախարարների հանդիպում, կապ չունի ձեւաչափը, այս դեպքում Ադրբեջանը փորձում է որոշակիորեն ճնշում գործածել Հայաստանի վրա եւ, ինչո՞ւ չէ, ստուգել նաեւ հայկական Զինված ուժերի զգոնությունը»,- այսօր՝ փետրվարի 8-ին լրագրողների հետ հանդիպման ընթացքում հայտարարեց ադրբեջանագետ Սարգիս Ասատրյանը:

Նա նշեց, որ Ադրբեջանը տարբեր տեսակների զինատեսակներ է ձեռք բերում, ավելացնում է իր ավիացիոն պարկը, իսկ Հայաստանը պետք է զգոնությամբ հետեւի դրան եւ համապատասխան քայլեր ձեռնարկի:

Անդրադառնալով Օլիմպիական խաղերին՝ արաբագետ Սարգիս Գրիգորյանը հայտարարեց, որ խաղերը չեն դառնա պատճառ, որ Սիրիայում ռազմական գործողությունները դադարեն.

«Իսլամիստների համար դա՝ որպես բարի կամքի դրսեւորման կամ ռազմական գործողությունները դադարեցնելու պատճառ չի կարող հանդիսանալ, առավել եւս, որ Սոչիի Օլիմպիական խաղերի հետ կապված արդեն կովկասյան իսլամական կառույցներից եղել են հաղորդագրություններ, որ նրանք փորձելու են Սոչին դարձնել դժոխք»:

Ամի Չիչակյան

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2014
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
2425262728