Aravot.am-ը բազմիցս անդրադարձել է Արման Երեմյան-Արթուր Գևորգյան հակամարտությանը: Մասնավորապես «Կրեպսոն» ընկերության նախագահ Արման Երեմյանը պնդում էր, որ Դավիթաշեն վարչական շրջանի նախկին ղեկավար, այժմ ԱԺ պատգամավոր Արթուր Գևորգյանն իրեն խաբել և յուրացրել է իր գումարները:
Իսկ Արթուր Գևորգյանը Aravot.am-ի հետ զրույցում պնդել էր, որ նման անձնավորության ինքը չի ճանաչում:
Փետրվարի 4-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում տեղի ունեցավ դատական նիստ (նախագահող դատավոր Ռ. Ներսիսյան), որի ընթացքում քննության առնվեց Արման Երեմյանի, նրա մոր՝ Գայանե Մարտիրոսյանի բողոքը: Փետրվարի 7-ին դատարանը մերժեց երիտասարդ գործարարի ու նրա մոր հայցը:
Տաթև ՀԱՐՈՒԹՅՈՒՆՅԱՆ
