Ուկրաինայի դաշնայնացման հարցը խորքային հետազոտման և քննարկման կարիք ունի, այլ ոչ թե հուզական որոշումների, ասել է Ուկրաինայի նախագահ Վիկտոր Յանուկովիչը: Փոխանցում է ուկրաինական «Ինտերֆաքս»-ը:
«Այդ մտքերը վաղուց են շրջում միջանցքներում, և՛ քաղաքականության, և հասարակության: Հիմա ժամանակը չէ», – ուրբաթ օրը «Ինտեր» հեռուստակայանին տված հարցազրույցում ասել Յանուկովիչը:
Հարցի հետ կապված նա բերել է Գերմանիայի օրինակը. «Ի՞նչ տվեց դաշնայնացումը Գերմանիային: Այսօր գերմանացիներն ասում են, որ իրենք ստացել են իրական, գործող մեխանիզմ, որն ազդում է պետական միջոցների արդարացի տեղաբաշխման վրա»:
Ըստ Յանուկովիչի, դաշնայնացման հարցը կապված է «ավանդույթների» հետ:
Կարդացեք նաև
«Անհրաժեշտ է հետազոտել այս հարցը: Հնարավոր է քննարկումներ անցկացնել, պայմաններ ստեղծել, որովհետև այս պահին տեղեկատվությունը բավարար չէ, իսկ որևէ ճակատագրական հարց ոչ մի դեպքում չի կարելի լուծել հուզական մակարդակի վրա: Անհրաժեշտ է հաշվի առնել ամեն ինչ », – ասել է նա:
Պատրաստեց Հովհաննես ԻՇԽԱՆՅԱՆԸ
