ՀՀ վարչական դատարանի դատավոր Արմեն Թովմասյանը հրապարակել է որոշումը՝«Հայազն»կուսակցության վարչության անդամ Արմեն Մկրտչյանին հիսուն հազար դրամով տուգանելու մասին:
Նրան Մաշտոցի ոստիկանները բերման էին ենթարկել Կոմիտասի պողոտայից, ոստիկանության փոխգնդապետ Մովսիսյանի ցուցումով, եւ Ա.Մկրտչյանը մեղադրվել էր վարչական օրենսգրքի 182 հոդվածի խախտման համար:
Ուշադրության արժանի էր այն, որ վկաները ոստիկանության աշխատակիցներ էին: Ինչպես Ա.Մկրտչյանն ասաց, վկաներից մեկն անգամ իրեն չէր ճանաչել:
«Ինչ իմաստ ունի բողոքարկելը, եթե գիտենք, որ արդարադատության համակարգը ծախու է», մեր հարցին, թե բողոքարկելու են որոշումը, պատասխանեց Ա.Մկրտչյանը: Անձամբ նա անիմաստ է համարում բողոքարկելը, սակայն չի բացառվում, որ կուսակցության որոշման դեպքում հնարավոր լինի այդ:
Կարդացեք նաև
Ա.Մկրտչյանը նաեւ ասաց. «Չնայած որպես ապացույց բերված տեսանյութերում այդպես էլ չգտնվեց պահ, որտեղ ինձ դիմեին փողոցից դուրս գալու հորդորով, ու ես չենթարկվեի, սակայն այնուամենայնիվ, ինձ տուգանեցին»:
Ռուզան ՄԻՆԱՍՅԱՆ
