Լրահոս
Օրվա լրահոսը

Գյումրեցի ակտիվիստները ՀՀԿ-ականին առաջարկեցին 3 միլիոն անգամ կարդալ կուսակցության տված նախընտրական սուտ խոստումները. (Տեսանյութ)

Փետրվար 19,2014 20:40

Պարտադիր կուտակային կենսաթոշակային համակարգի դեմ պայքարող գյումրեցի ակտիվիստները այսօր հերթով հյուրընկալվեցին ՀՀԿ կառույցի գրասենյակներում` իրենց բողոքը ներկայացնելով այս օրենքի դեմ: ՀՀԿ կենտրոնական գրասենյակում երիտասարդները որևէ հստակ պատասխան չստացան Շիրակի մարզի ՀՀԿ կառույցի պատասխանատու Սահակ Մինասյանի այնտեղ չգտնվելու պատճառով: Փոխարենը գրասենյակի ներկայացուցիչ Համազասպ Խաչատրյանը  երիտասարդներին գրքեր նվիրեց գրքի օրվա կապակցությամբ` նաև փոքր ինչ- ինչ հանդիմանեց, որ ուսանող լինելով հանդերձ դասի ժամանակ բողոքի ակցիա են անցկացնում:

Երիտասարդները նրան առաջարկեցին հետևյալը. « Աժ ընտրություններից առաջ ինչ խոստումներ, որ տվել եք, հատ-հատ կարմիրով նշել ենք, և առաջարկում ենք 3 միլիոն անգամ կարդալ Ձեր կուսակցության կողմից հնչեցրած խոստումները և գոնե անցնել նվազագույն թերություններ թույլ տալու»: ՀՀԿ-ականը պատասխանեց, որ 3 միլիոն անգամ չի կարդա, բայց անպայման կնայի նրանց դիտողությունները:

Համազասպ Խաչատրյանը չհամաձայնեց նաև երիտասարդների հնչեցրած այն մտքի հետ, թե ՀՀԿ-ակաները իրենց նախընտրական խոստումները չեն կատարել, ըստ նրա, փուլ առ փուլ կատարել են: Երիտասարդները նրան ցտեսություն ասացին` խորհուրդ տալով հրաժարվել պարտադրանք պարունակող օրենքներից, որով կրծում են մարդկանց կոկորդները, տանում փողերը և արդյունքում ուսանողների ծնողները մոլորվում են`ինչպես տալ վարձավճարները:

Մանրամասները` տեսանյութում: 

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2014
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
2425262728