Մոտ մեկ շաբաթ է` Վարդան Ղուկասյանի դստեր փեսացուի`Կարեն Եսայանի սպանության մեջ մեղադրվող Հարություն Սարգսյանը հացադուլ է հայտարարել: Aravot.am-ի հետ զրույցում Հարություն Սարգսյանի փաստաբան Լուսինե Սահակյանն ասաց, որ նա բողոքելով պահանջում է իր գործի արդարացի քննարկում`գտնելով, որ թե դատախազությունը, և թե դատարանը ոչ մի օրինական լուծում չեն տվել, արդարադատության հետ աղերս չունեցող որոշում են կայացրել, ավելին` դատախազը առանց ապացույցի մեղադրանք է առաջադրել` 15 տարվա ազատազրկում պահանջելով:
«Հարություն Սարգսյանն ասում է, որ ես չեմ պատրաստվում հանցագործի փոխարեն պատժվելու»,-ասաց փաստաբանը: Լուսինե Սահակյանի ներկայացմամբ, Հարություն Սարգսյանը պահանջում է հանդիպում գլխավոր դատախազի և նախագահի աշխատակազմի ներկայացուցչի հետ:
Փաստաբանի բնութագրմամբ, նրա առողջական վիճակը ի սկզբանե լավ չէր,անընդհատ ջերմում էր, մարսողական խնդիրներ ուներ, արյան ճնշումն էր ցածր , այժմ էլ վիճակը բարվոք չէ, նվազել է նաև քաշը` կապված հացադուլի հետ:
Կարդացեք նաև
Նունե ԱՐԵՎՇԱՏՅԱՆ
