Կեսօրին մոտ ուկրաինական ընդդիմությունը տեղեկություն տարածեց 17 զոհերի մասին: Մի քանի ժամ առաջ ամերիկյան CNN հեռուստաընկերությունը հաղորդեց, որ զոհերի քանակը հասնում է 100-ի: Այս տեղեկությունն, ըստ ամերիկացի լրագրողների, իրենց է փոխանցել Մայդանի բժշկական ծառայության ղեկավարը:
Իրադրությունը Կիևի կենտրոնում սրվեց այն բանից հետո, երբ Անկախության հրապարակի մերձակայքում գտնվող Կիևի կոնսերվատորիայի շենքի կտուրից դիպուկահարները կրակ բացեց թե ցուցարարների, և թե ոստիկանության աշխատակիցների ուղղությամբ:
Դրանից հետո ոստիկանական ուժերը լքեցին Մայդանն` արագորեն հեռանալով կառավարության և խորհրդարանի շենքերի ուղղությամբ: Իրավապահների նահանջից ոգևորված ցուցարարները սկսեցին հետապնդել հատուկ ջոկատայիններին, սակայն մի քանի հարյուր մետր անց ընդդիմության աջակիցների առաջին շարքերը հայտնվեցին դիպուկահարների գնդակոծության տակ:
Ուկրաինայի ներքին գործերի նախարարությունը պնդում է, որ ցուցարարների կողմից կրակոցներ ևս հնչել են: Այս վարկածն անուղղակիորեն հաստատում է նաև BBC-ի նկարահանած տեսանյութը, որում հստակ երևում է ընդդիմության առնվազն մեկ կողմնակից` զինված որսորդական հրացանով: Իրավապահների զինանոցն, իհարկե, անհամեմատ ավելի պատկառելի է, Կիևի փողոցներում մարդիկ արդեն Կալաշնիկովի ավտոմատի բազմաթիվ պարկուճներ են գտնում:
Կարդացեք նաև
Մոտ երկու ժամ առաջ Ուկրաինայի ներքին գործերի նախարարությունը տեղեկացրեց, որ գերատեսչության ղեկավար Զախարչենկոն հրահանգել է ուկրաինական ոստիկանության անձնակազմին մարտական զենք տրամադրել: Սրան զուգահեռ Եվրամիության երկրները քիչ առաջ Բրյուսելում որոշում կայացրեցին՝ արգելել Ուկրաինա զենքի բոլոր մատակարարումները՝ խուսափելու համար հակամարտության հետագա տարածումից:
Չնայած դրան` իրադրությունը Կիևում չի հանդարտվում: Մի քանի հազար մարդ շարունակում է մնալ Անկախության հրապարակում: Դրան զուգահեռ որոշակի խմորումներ են տեղի ունենում քաղաքական դաշտում: Խորհրդարանական ընդդիմությունը հավաքվել էր Գերագույն Ռադայի նիստերի դահլիճում` նպատակ ունենալով արտահերթ նիստ անցկացնել:
Կիևի քաղաքապետ Վլադիմիր Մակեենկոն էլ հայտարարեց, որ լքում է Ռեգիոնների կուսակցության շարքերը՝ այդպիսով իր բողոքն արտահայտելով իշխանության գործողությունների դեմ:
Մանրամասները կարող եք կարդալ` «Ազատություն» ռ/կ-ի կայքում
Բաժանումից հետո սալյուտն Օդեսայում կխփեն:Անհրաժեշտ բաժանում, անհրաժեշտ միացում, բայց անմեղ արյան գնով:Նպատակը ազնիվ միջոցով իրականացնելն է բարոյական: