Մի քանի տարի առաջ պետական բյուջեի միջոցներով Տավուշի մարզում, միջպետական ճանապարհի եզրին կառուցվեցին լավ կահավորված զուգարաններ: Սակայն Դիլիջան-Սեւան ավտոմոբիլային թունելի մուտքի մոտ գտնվող եւ Դիլիջան-Իջեւան ճանապարհի եզրին կառուցված զուգարանները գտնվում են ողբալի վիճակում: Զուգարանների դռները ջարդված են, զուգարանները՝ թալանված, դրանք լցված են աղտեղությամբ:
Զբոսաշրջությունը Տավուշի մարզի զարգացման հիմնական ուղղություններից է, այդ մասին նշված է մարզի 2012-2015 թվականների զարգացման ծրագրում: Անգլերեն լեզվով հրատարակվեց մարզի զբոսաշրջային քարտեզը, որը ներկայացվեց Տավուշի մարզխորհրդի 2013թ. հոկտեմբերի 12-ի նիստում: Այդ նիստում մարզպետ Արմեն Ղուլարյանն ասաց, որ մարզում առկա են լավագույն հնարավորությունները զբոսաշրջության զարգացման համար, մարզում տուրիզմը պետք է զարգանա ոչ միայն համայնքային մակարդակով, այլ ներառի Տավուշի բոլոր՝ 62 համայնքները: Մարզպետը հայտարարեց, որ Հայաստանի զբոսաշրջային շատ ընկերություններ, որոնց աշխատակիցները երիտասարդ տղաներ եւ աղջիկներ են, Տավուշը չճանաչելով՝ զբոսաշրջիկների խմբեր են ուղարկում Տավուշի մարզ: Նա ասաց, որ Տավուշում պետք է ստեղծվի զբոսաշրջության կենտրոն: Արմեն Ղուլարյանը զբոսաշրջության զարգացման համար կարեւորեց մարզի եկեղեցիներ տանող ճանապարհների բարելավումը, Դիլիջան քաղաքում իրականացվող տարբեր ծրագրերը:
Կարդացեք նաև
Միջպետական ճանապարհի եզրին գտնվող զուգարանները ամենեւին չեն խթանում Տավուշի մարզում զբոսաշրջության զարգացմանը: Միջպետական ճանապարհով երթեւեկողները, այդ թվում՝ արտասահմանցի տուրիստներ, իրենց բնական կարիքները հոգալու համար ստիպված են պատսպարվել ճանապարհամերձ թփուտներում՝ ռիսկ անելով դառնալ զանազան տհաճ պատահարների զոհ:
Ոսկան ՍԱՐԳՍՅԱՆ
Պարզից էլ պարզ է, որ Ղուլարյանին հետաքրքիր է միայն ճանապարհների վերանորոգումը՝ ,,օտկաներ,, կատարելու հնարավորությունները շատ-շատ են,իհարկե իր իսկ խնամու հետ միասին:Իսկ մարզում առկա որևէ իրական խնդրի լուծում մեծն մարզպետին չի հուզում:Նրա համար միևնույնն է,թեկուզ ողջ մարզն արտագաղթի,նա էլի կնկարի իրեն անհրաժեշտ թվերն ու կներկայացնի որտեղ ինչպես իրեն պետք է և այդ ամենի համար պատասխան տվող չկա:Ակադեմիկոսին հովանավորողներն էլ կգան,կկազմակերպեն շոուներ ու իրենցից շատ գոհ ու երջանիկ կգնան:Իսկ խեղճ ու կրակ ժողովուրդը,մարզում առկա բազմաթիվ խնդիրները նորից կմնան նույն վիճակում:
Իմ կարծիքով պակաս կարևոր չէ, թե որքան գումար է ծախսվել այդ զուգարանի կառուցման համար: Մասնագիտությամբ ճարտարապետ մարզպետը պետք է հասկանար, որ փայտե դռները դրսում չեն կարող երկար կյանք ունենալ, կամ ի սկզբանե նախատեսել է զուգարանների վերանորոգման համար նույնպես բյուջեից գումարներ կորզել: Մարզպետի համար կարևորն այն է, որ փողից հոտ չի գալիս:
Այս զուգարանները Ա.Ղուլարյանի իրական դեմքն են ներկայացնում:
Մարզպետի իրական դեմքը: