Ria.ru-ի փոխանցմամբ՝ Ուկրաինան դիմում է ՄԱԿ-ին` խնդրելով հրավիրել Անվտանգության խորհրդի արտահերթ նիստ, ինչպես նաեւ Ղրիմում տիրող իրավիճակ վերաբերյալ մոնիթորինգ անցկացնել եւ քայլեր ձեռնարկել նրա ինքնիշխանությունը ոտնահարելու դեպքում:
«Պահանջում ենք Ուկրաինայի առանձին շրջանների, Ղրիմում իրավիճակի մոնիթորինգ անցկացնել: Իրավիճակն այնպիսին է, որ կարող է միջազգային խաղաղությանն ու անվտանգությանը վտանգ ստեղծել: Էսկալացիայի դեպքում երաշխավոր պետություններից պահանջում ենք ՄԱԿ-ի ԱԽ-ից անհետաձգելի գործողությունների հասնել`Ուկրաինային` որպես Միջուկային զենք չտարածելու պայմանագրի անդամ պետության, օգնություն ցուցաբերելու նպատակով»,- ասել է Ուկրաինայի նախագահի պաշտոնակատար, Գերագույն ռադայի խոսնակ Ալեքսանդր Տուրչինովը, մեջբերելով որոշումը, որի ընդունմանն աջակցել է 230 պատգամավոր:
Եվա ՀԱԿՈԲՅԱՆ
