Եվրամիության արտաքին գործերի և անվտանգության հարցերով խորհուրդը Ռուսաստանից պահանջել Ուկրաինայի տարածքից դուրս բերել իր զորքը ու անհապաղ բանակցություններ սկսել Կիևի հետ: Հայտնում է ուկրաինական «Ինտերֆաքս»-ը:
Պահանջը հայտարարվել է մարտի 3-ին Բրյուսելում կայացած ԵՄ խորհրդի արտահերթ նիստի արդյունքում, ասել է Սլովակիայի արտաքին գործերի նախարար Միրոսլավ Լայչակը:
«ԵՄ խորհրդի որոշման մեջ մենք հայտնել ենք, որ ռուսական զինված ուժերը ակնհայտ ագրեսիվ գործողություններով խախտել է Ուկրաինայի տարածքային ամբողջականությունն ու ինքնիշխանությունը: Մենք Ռուսաստանից պահանջում ենք դուրս բերել իր զորքերը և հավատարիմ մնալ Սևծովյան նավատորմի կարգավիճակին Ուկրաինայի և Ռուսաստանի միջև ձեռք բերված համաձայնագրով: Մենք նաև կոչ ենք անում Ռուսաստանին անհապաղ բանակցություններ սկսել Ուկրաինայի հետ ձեռք բերված պայմանագրերի շրջանակներում», – ասել է Լայչակը:
Սլովակ գործիչը, պատասխանելով Ռուսաստանի դեմ պատժամիջոցներ կիրառելու մասին հարցին, նշել է, որ դա ևս քննարկվել է. «Սեղանին մի քանի տարբերակ կա, այդ թվում՝ վիզային ռեժիմի ազատականացման բանակցությունների սառեցումը կամ Սոչիում Մեծ ութնյակի գագաթնաժողովի նախապատրաստությունների դադարեցումը»,- ասել է նա:
Պատրաստեց Հովհաննես ԻՇԽԱՆՅԱՆԸ
