«Էլիտ պլազա» բիզնես կենտրոնում մեկնարկած շախմատի Եվրոպայի տղամարդկանց 15-րդ առաջնությունում, որը նվիրված է աշխարհի 9-րդ չեմպիոն Տիգրան Պետրոսյանի ծննդյան 85-ամյակին, այսօր կայացան առաջին տուրի հանդիպումները:
Հայաստանը ներկայացնող շախմատիստներից հատկապես տպավորիչ էր հայկական շախմատի կենդանի լեգենդ, գրոսմայստեր Ռաֆայել Վահանյանի (նկարում) հաղթանակը մոլդովացի Լիվիու Ցերբուլենկոյի նկատմամբ: Մեր առաջատար շախմատիստներից հաղթանակով մեկնարկեցին նաեւ Տիգրան Լ. Պետրոսյանը, Արման Փաշիկյանը, Ռոբերտ Հովհաննիսյանը, Զավեն Անդրիասյանը, Կարեն Գրիգորյանը, Հովհաննես Գաբուզյանը, Տիգրան Քոթանջյանը, Ռոբերտ Աղասարյանը, Լեւոն Բաբուջյանը, Արտաշես Մինասյանը:
Վլադիմիր Հակոբյանը, Գաբրիել Սարգսյանը եւ Լիլիթ Մկրտչյանը ոչ-ոքի արեցին, իսկ Էլինա Դանիելյանը սեւ խաղաքարերով համառ պայքարում 72-րդ քայլում պարտվեց Ուկրաինայի ուժեղագույն գրոսմայստերներից մեկին՝ Պավել Էլյանովին:
Կարդացեք նաև
Աշոտ ՀԱԿՈԲՅԱՆ
