Այսօր Հայաստանում ԱՄՆ արտակարգ եւ լիազոր դեսպան Ջոն Հեֆերնը ճանաչողական այցով հյուրընկալվել է ՀՀ սպորտի եւ երիտասարդության հարցերի նախարար Յուրի Վարդանյանին:
Քննարկվել են երկուստեք հետաքրքրություն ներկայացնող հարցեր՝ մասնավորապես, մարզական կառույցների եւ շենքերի նախագծման, շինարարության, շահագործման ուղղությամբ ամերիկյան փորձի ուսումնասիրման ընձեռման, մարզական բժշկության հիմնահարցերի, դոպինգի դեմ տարվող պայքարի ուղղությունների վերաբերյալ ամերիկյան մասնագետների հետ փորձի փոխանակման կազմակերպման, Կալիֆորնիայում գործող մարզական երեք ընկերությունների կողմից ՀՀ սպորտի եւ երիտասարդության հարցերի նախարարությանը որպես աջակցություն նվիրաբերած մարզական գույքի եւ այլ պարագաների Հայաստան տեղափոխելու հարցում ՀՀ-ում ԱՄՆ դեսպանատան հնարավոր աջակցության շուրջ:
Աշոտ ՀԱԿՈԲՅԱՆ