«Ես կողմնակից եմ, թող մարդիկ գան ուտեն-խմեն, բայց հուշարձանից դուրս: Հենա լիքը տարածքներ կան, թող գան ինչքան ուզում են ուտեն, լավ էլ խոտա աճում»,- այսօր «Պոստ սկրիպտում» մամուլի ակումբում այսպես պատասխանեց ՀՀԿ խմբակցության ղեկավար Գալուստ Սահակյանը հարցին, թե ինչո՞ւ է իշխանություններին այդքան խանգարում պատմամշակութային հուշարձանները եւ Փակ շուկայից հետո արդեն անցել են Գառնու տաճարին՝ թույլատրելով այնտեղ սրճարան կառուցել։
Գալուստ Սահակյանն ասաց, որ ինքն էլ դեմ է հուշարձանի տարածքում սրճարան կառուցելուն. «Իհարկե դեմ եմ, ես կարծում եմ, որ ընդհանրապես չի կարելի այնտեղ որևիցե բան անել, որովհետև նախ շրջակայքը դեռևս ուսումնասիրված չէ տաճարի, բացի դրանից դարեր շարունակ մնացել է և հիմա մեկը ուզում է բիզնես անի…»:
Դիտարկմանը`միայն «ինչ-որ մեկը» չէ, այլ նաև Մշակույթի նախարարությունը, և նախարար Հասմիկ Պողոսյանը, ով արդեն իսկ հավանության է տվել նախագծին՝ պատճառաբանելով`«բա մարդիկ չգան ուտեն-խմեն», Գալուստ Սահակյանը պատասխանեց. «Ես կողմնակից եմ, թող մարդիկ գան ուտեն-խմեն, բայց հուշարձանից դուրս: Հենա լիքը տարածքներ կան, թող գան ինչքան ուզում են ուտեն, լավ էլ խոտա աճում»:
Մեկ այլ հարցի էլ`ԲՀԿ-ի հետևում շարունակո՞ւմ են Ռոբերտ Քոչարյանի «ականջները երևալ», նա պատասխանեց. «ԲՀԿ-ն այնպիսին է, ինչպիսին կան, ոչ պետք է հետևից նայել, ոչ դիմաց: Նա հայտարարել է իրեն այլընտրանք ու փորձում է քաղաքական դաշտում այդ ուղղվածությունն ամրապնդել: ՀԱԿ-ն էլ մտածում է, որ բավական լավ իրավիճակ է, ԲՀԿ-ի թիկնոցի տակից կկարողանա արգումենտներ շահել, հոխորտալով խոսում է, թե տեսեք՝ ինչերի կարողացանք հասնել: Ես չեմ կարծում, որ ԲՀԿ-ն այն քաղաքական ուժն է, որ ՀԱԿ-ի սեթևեթանքների շնորհիվ պիտի իրեն կորցնի»:
Կարդացեք նաև
Նելլի ԳՐԻԳՈՐՅԱՆ
Առաջին նախագահի ելույթից հետո գալուստականները ջղագրգիռ պոռթկումների մեջ են և
գործի են դրել ցինիզմի ու բանսարկության ողջ զինանոցը…