Լրահոս
Օրվա լրահոսը

Ցեղասպանությունների կանխարգելմանը նվիրված գիտաժողով Իտալիայի պատգամավորների պալատում

Մարտ 08,2014 19:00

  Մարտի 3-ին Իտալիայում ՀՀ դեսպան Սարգիս Ղազարյանը մասնակցեց Իտալիայի պատգամավորների պալատում ցեղասպանությունների կանխարգելմանը նվիրված գիտաժողովին:

 Մասնակիցների թվում էին և ելույթներով ու ողջույնի խոսքով հանդես եկան պատգամավորների պալատի փոխնախագահ Մարինա Սերենին, ԱԳ փոխնախարար Մարիո Ջիրոն, ՀՀ դեսպան Սարգիս Ղազարյանը, պատգամավորներ Էմանուելե Ֆիանոն, Միլենա Սանտերինին, սենատոր Գաբրիելե Ալբերտինին, Էդուարդո Էռենեկյանը (որպես Ռաուլ Վալենբերգի անվան միջազգային հիմնադրամի նախագահ), Միլանում ՀՀ պատվո հյուպատոս Պետրո Քուչուկյանը, ցեղասպանագետներ, հասարակական գործիչներ, լրագրողներ:

            Ելույթ ունեցողներից շատերն անդրադարձան Հայոց ցեղասպանությունը, իսկ պատգամավորների պալատի փոխնախագահ Մարինա Սերենին և ԱԳ փոխնախարար Մարիո Ջիրոն հատուկ ընդգծեցին, որ Ռաֆայել Լեմկինը «ցեղասպանություն» եզրույթը սահմանելիս  նկարագրել է նաև Հայոց ցեղասպանությունը:

Դեսպան Ղազարյանն իր ողջույնի խոսքում ընդգծեց, որ ցեղասպանություններ վերապրողները և նրանց սերունդները կրում են ոչ մեկ, այլ երեք պատասխանատվություն` պայքար հիշողության համար, պայքար ժխտողականության դեմ և պայքար ցեղասպանությունների կանխարգելման համար: Նա մեծապես կարևորեց ցեղասպանության կանխարգելումը` այդ նպատակով անհրաժեշտ համարելով հիշողության պահպանումը, ժխտողականության դեմ պայքարը և կրթությունը, հատկապես` կանխարգելիչ նշանակություն ունեցող կրթական ծրագրերի իրականացումը: Դեսպան Ղազարյանը խոսեց ցեղասպանությունների կանխարգելման գործում Հայաստանի Հանրապետության երկկողմ և բազմակողմ ձևաչափերով կատարած աշխատանքների, այդ թվում` Ցեղասպանության կանխարգելման վերաբերյալ բանաձևի հեղինակման մասին, որը 2013թ. միաձայն ընդունվել է  Մարդու իրավունքների խորհրդի 22-րդ նստաշրջանի ընթացքում:

Ռուանդայի ներկայացուցիչ Ֆրանսուա Կանկինդին իր ելույթում հայտարարեց, որ եթե Թուրքիայի կառավարությունը  ճանաչի Հայոց ցեղասպանությունը, ապա այն կդառնա «Առաքյալ կառավարություն»: Նրա խոսքերը գիտաժողովի մասնակիցների կողմից ընդունվեցին բուռն ծափահարություններով:

Մարտի 6-ին դեսպան Ղազարյանը Միլանում մասնակցեց «Ազգի Առաքյալների» եվրոպական օրվան նվիրված միջոցառմանը (այն հիմնվել է Եվրոպական խորհրդարանի կողմից 2012թ. և անցկացվում էր 2-րդ անգամ): Միջոցառումը կազմակերպվել էր «Ազգի Առաքյալների այգի» միջազգային ասոցիացիայի կողմից` Իտալիայում ՀՀ դեսպանության հովանավորությամբ և Միլանի քաղաքապետարանի համագործակցությամբ, Իտալիայի հայ համայնքի, Միլանի արքեպիսկոպոսարանի և մի շարք հասարակական կազմակերպությունների կողմից: Միջոցառման ժամանակ տարբեր ազգերի 6 ներկայացուցիչների, որոնց թվում էր շվեյցարացի միսիոներ Բեատրիս Ռեհները, ով հայոց ցեղասպանության օրերին Հալեպում փրկել էր հարյուրավոր հայ որբերի կյանքը, շնորհվեց «Ազգի Առաքյալի» կոչում և նրանց պատվին Միլանի «Ազգի Առաքյալների այգում» տնկվեցին 6 ծառեր և տեղադրվեցին հուշատախտակներ:

Միջոցառմանը ողջույնի խոսքով հանդես եկան Միլանի քաղաքապետ Ջուլիանո Պիզապիան, քաղաքային խորհրդի նախագահ Բազիլիո Լիցցոն, Իտալիայում ՀՀ դեսպան Սարգիս Ղազարյանը, Միլանում ՀՀ պատվո հյուպատոս Պետրո Քուչուկյանը, Միլանի արքեպիսկոպոսի  և «Նելսեն Մանդելա հիմնադրամի» ներկայացուցիչներ:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ

ՄԱՄՈՒԼԻ, ՏԵՂԵԿԱՏՎՈՒԹՅԱՆ ԵՎ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԻ ՎԱՐՉՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2014
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31