Լրահոս
Օրվա լրահոսը

Վեճ, հայհոյանք ու սպառնալիքներ` Արարատի և Լոռու համայնքներում. Pastinfo.am

Մարտ 09,2014 20:11

Լոռու մարզի Դարպաս գյուղում գյուղապետի տեղակալն ընտրական տեղամասի բակում ճշտում է ընտրության եկած մարդկանց  ցուցակները, իսկ գյուղապետի վստահված անձինք ցուցակագրված մարդկանց բերում են ընտրության:

Այս մասին «Փաստինֆո»-ն տեղեկացել է  «Թրանսփարենսի Ինթերնեշնլ» հակակոռուպցիոն կենտրոնի «Քաղաքացի դիտորդ» նախաձեռնության դիտորդներից: Տվյալ տեղամասի դիտորդի խոսքով` «տպավորություն կա, որ նրանց ուղղորդում են վստահված անձինք և գործող գյուղապետի տեղակալը` դրսում ճշտելով ցուցակները»:

Դիտորդը նաև հայտնում  է, թե երբ ինքը փորձել է ցուցակներով մարդուց ճշտել, թե ինչ է անում, վերջինը պատասխանել է` մարդկանց եմ բերում ու լավ եմ անում:

Իսկ Արարատի մարզի Նիզամի գյուղից նույն կազմակերպության դիտորդը հայտնում է, որ երկու վստահված անձ կանգնած են դռան մոտ և որոշում են, թե ով մտնի տեղամաս, իսկ ով` ոչ: Իսկ քիչ առաջ տեղամասում նաև հայհոյանքներ են հնչել, վստահված անձինք փորձել են ճնշել ընտրողներին` նրանց հասցեին նաև սպառնալիքներ հնչեցնելով:

Արարատի մարզի Զորակ համայնքում  էլ վիճաբանություն է տեղի ունեցել հանձնաժողովի քարտուղարի և ընտրողին օգնելու պատրվակով տեղամաս  եկած անձի միջև, քանի որ վերջինը  առանց գրանցվելու ընտրողի հետ մտել է խցիկ` պատճառաբանելով, թե ընտրողին օգնություն է ցույց տվել:

Հրապարակումն ամբողջությամբ կարող եք կարդալ սկզբնաղբյուր կայքում:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2014
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31