Շվեյցարիայի իշխանությունների կողմից երկուշաբթի օրը հրապարակված ընդլայնված ցուցակում ներառվել են նաև Ուկրաինայի անվտանգության ծառայության նախկին նախագահ Ալեքսանդր Յակիմենկոն և երկրի նախկին դատախազի որդի Արտյոմ Պշոնկան
Շվեյցարիայի կառավարությունը սառեցրել է Ուկրաինայի ինը քաղաքացիներին, այդ թվում՝ տապալված նախագահի և նախկին վարչապետի որդիներին պատկանող ակտիվները: Վերջիններիս մեղադրում են մարդու իրավունքների խախտման և բյուջետային միջոցների յուրացման մեջ:
Եվրոպական Միությունը, Մեծ Բրիտանիան, Շվեյցարիան և այլ պետություններն արդեն իսկ պատժամիջոցներ են սահմանել Ուկրաինայի բյուջետային միջոցների յուրացման մեջ մեղադրվող անձանց նկատմամբ:
Շվեյցարիայի իշխանությունների կողմից երկուշաբթի օրը հրապարակված ընդլայնված ցուցակում ներառվել են նաև Ուկրաինայի անվտանգության ծառայության նախկին նախագահ Ալեքսանդր Յակիմենկոն և երկրի նախկին դատախազի որդի Արտյոմ Պշոնկան:
Ուկրաինայի նորանշանակ վարչապետ Արսենիյ Յացենյուկն ավելի վաղ տեղեկացրել էր, որ Յանուկովիչի եռամյա նախագահության ընթացքում երկրի բյուջեից դուրս են հանվել 37 միլիարդ դոլար ծավալով միջոցներ:
Հիշեցնենք, որ Ուկրաինայի խորհրդարանն անցյալ ամսվա վերջին ընդունել էր բանաձև, որով փախուստի մեջ գտնվող նախագահ Վիկտոր Յանուկովիչին ձերբակալելու դեպքում վերջինիս նախատեսվում է ուղարկել Հաագայի միջազգային քրեական դատարան, որպեսզի այնտեղ անցկացվի Յանուկովիի կողմից գործած «լուրջ հանցագործությունների» գործով դատավարությունը:
Մանրամասները կարող եք կարդալ` «Ամերիկայի ձայն»-ի կայքում
