Վրաստանի նախագահ Գեորգի Մարգվելաշվիլին անօրինական է համարում Ղրիմում մարտի 16-ին անցկացված հանրաքվեն:
Վրաստանի նախագահը մարտի 17-ին հրապարակված հայտարարության մեջ շեշտել է, որ, քանի որ Ուկրաինայի սահմանադրությամբ նման հանրաքվեի անցկացման հնարավորություն չի նախատեսվում, ապա հանրաքվեն իրավաբանական հետևանքներ չի կարող ունենալ:
Մարգվելաշվիլին, բացի այդ, ասել է, թե «անհնար է խոսել ժողովրդի ազատ ընտրության և կամքի արտահայտման մասին այնտեղ, որտեղ իրավիճակը վերահսկում են օտար պետության, մասնավորապես՝ Ռուսաստանի, զինված ստորաբաժանումները»:
«Վրաստանը շատ լավ գիտի, թե ինչ են նշանակում այս գործողությունները: Ռուսաստանի Դաշնությունը նման «հանրաքվեների» և «ընտրությունների» միջոցով է իրականացնում Վրաստանի տարածքի մի մասի օկուպացիոն կառավարումը՝ Աբխազիայում և Ցխինվալիի շրջանում», – ասված է Վրաստանի նախագահի հայտարարության մեջ:
Կարդացեք նաև
Վրաստանի արտգործնախարարությունն իր հերթին Ղրիմի հանրաքվեն գնահատում են որպես «Ռուսաստանի կողմից Ղրիմը բռնակցելու փորձ», ինչը, Վրաստանի արտգործնախարարության համաձայն, Ուկրաինայի հետ ինչպես բազմակողմանի, այնպես էլ երկկողմանի համաձայնությունների կոպիտ խախտում է:
Մանրամասները կարող եք կարդալ` Ամերիկայի ձայն-ի կայքում
