2013թ. մայիսի 15-ին Նոյեմբերյանի զորամասում Լյուքս Ստեփանյանի սպանության գործով դատավարության մարտի 20-ի նիստում դատավոր Զոյա Զաքինյանը հրապարակեց տուժող Հրաչյա Սարգսյանի նախաքննական ցուցմունքը, քրեական գործով կատարված փորձաքննությունների եզրակացություններ, այլ փաստաթղթեր:
Առողջական վիճակի պատճառով դատարան չներկայացող Հրաչյա Սարգսյանն իր նախաքննական ցուցմունքում հայտնել է , որ ինքը Լյուքս Ստեփանյանի եւ Դավիթ Խաչատրյանի հետ ունեցել է նորմալ հարաբերություններ եւ հավելել. « Ես հիշում եմ, որ մայիսի 15-ին ընդգրկված եմ եղել զորամասի ներքին վերակարգում եւ ծառայություն եմ իրականացրել զորամասի պահակատանը: Վատառողջ լինելու պատճառով չեմ հիշում մայիսի 15-ին տեղի ունեցած միջադեպի մանրամասները: Ես ինտերնետի միջոցով կարդացել եմ, որ մայիսի 15-ին պահակատանը Դավիթ Խաչատրյանն իրեն ամրակցված ինքնաձիգից կրակոց է արձակել, որի հետեւանքով մեր մարտկոցի զինծառայող Ստեփանյանը մահացել է,իսկ ես գլխի շրջանում վնասվածք եմ ստացել: Իմ ստացած վնասվածքից հետո հիշողությունս կորցրել եմ , ես չեմ կարողանում հիշել դեպքի հանգամանքները եւ մանրամասները»:
Դատական հաջորդ նիստը նշանակված է մարտի 28-ին, ժամը 12-ին:
Կարդացեք նաև
Ոսկան ՍԱՐԳՍՅԱՆ
