Այսօր՝ մարտի 24-ին՝ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում, շարունակվում էր «Արաբկիր» բժշկական կենտրոնում մահացած մանկահասակ Լիա Միսակյանի գործով դատական նիստը: Հիշեցնենք՝ այս գործում մեղադրվում էին «Արաբկիր» բժշկական կենտրոնի բոքսային բաժանմունքի վարիչ Լիլիթ Վարդանյանը եւ նույն կենտրոնի 1-ին մանկաբուժական բաժանմունքի մանկաբույժ Զարինե Այվազյանը ՀՀ քրեական օրենսգրքի 130-րդ հոդվածի 2-րդ մասով, այն է՝ բժշկական օգնություն եւ սպասարկում իրականացվողի կողմից մասնագիտական պարտականությունները չկատարելը կամ ոչ պատշաճ կատարելը:
Այս նիստի ընթացքում վկայություն տվեց «Արաբկիր» բժշկական կենտրոնի կլինիկական լաբորատորիայի բուժքույր Լիանա Այվազյանը, նա նշեց, որ այդ օրը՝ 2013 թվականի հունվարի 1-ին, ժամը 9:00-ից հերթապահ է եղել, եւ այդ հերթապահության ընթացքում էլ արել է երեխայի արյան անալիզը.
«Իմ աշխատանքը անելուց նկատել եմ բալիկի անալիզի մեջ շեղումներ, տեղեկացրել եմ բաժանմունք՝ հետագայում՝ դրանց հետազոտություն անելուց հետո, լրիվ պատասխանը ուղարկել են բաժանմունք»:
Բուժքույրը նշեց, որ նկատել է, որ երեխայի լեյկոցիտները ցածր են եղել. նորմալ 4000-ի փոխարեն լինելով 1400: Նա նշեց, որ հեռախոսով չկարողանալով կապնվել բժշկի հետ՝ այդ մասին հայտնել է բաժանմունքի բուժքույրին, իսկ իր հետ հերթապահ լաբորանտը՝ ասել էր, որ դրել է այն հատուկ նախատեսված դարակի մեջ:
Կարդացեք նաև
Մյուս վկան՝ բժիշկ լաբորանտ Ֆլորա Վարդանյանը, ով նույն օրը հերթապահել էր Լիանա Այվազյանի հետ, ասաց, որ կատարել է Լիա Միսակյանի արյան կենսաքիմիկական անալիզը:
Մանրամասները՝ ավելի ուշ:
Ամի ՉԻՉԱԿՅԱՆ
