Լրահոս
Օրվա լրահոսը

Դե Վաալը հավանական է համարում, որ Ղրիմը դառնա ևս մեկ խոչընդոտ ԼՂ-ում խաղաղության համար. «Ազատություն» ռադիոկայան

Մարտ 31,2014 13:42

Քարնեգի հիմնադրամի Կովկասի հարցերով ավագ փորձագետ, «Սև այգի» գրքի հեղինակ, լրագրող Թոմաս դե Վաալն իր վերջին վերլուծական հոդվածում անդրադառնում է Ղրիմի ճգնաժամի ֆոնին ղարաբաղյան հակամարտության կարգավորման հեռանկարներին:

Ռուսաստանի կողմից Ղրիմի գրավման ազդեցությունը շարունակում է թևածել հետխորհրդային տարածքում, գրում է հեղինակը:

«Նախագահ Վլադիմիր Պուտինի այդ քայլը վերաբացեց 90-ականներին այդ տարածաշրջանում բռնկված ինքնիշխանության շուրջ վեճերի Պանդորայի արկղը: Կովկասում գլխավոր խաղացողներն այժմ վերագնահատում են` ի՞նչ է սա նշանակում չկարգավորված հակամարտությունների համար»,- գրում է փորձագետը՝ միաժամանակ նկատելով, որ այժմ հարմար պահ չէ աշխուժացնել Լեռնային Ղարաբաղի` տարածաշրջանի ամենահին և ամենախոշոր հակամարտության խնդիրը:

Տարիների ընթացքում Ռուսաստանը տարբեր օրակարգեր և փոփոխվող դերակատարություն է ունեցել Ղարաբաղի հարցում` հակամարտության ընթացքում ակտիվ միջամտությունից և 1994 թվականի զինադադարի շուրջ բանակցություններից մինչ երկարատև և բավական ներդաշնակ համագործակցություն ԵԱՀԿ Մինսկի խմբի հետ:

«Արդյոք փոխվե՞լ է դա»,- հարցնում է վերլուծաբանը և շարունակում․- «Մինսկի խումբն, ամենայն հավանականությամբ, կգոյատևի: Սակայն խաղաղ կարգավորում ապահովելու՝ Մինսկի խմբի կարողությունները ներկայումս ավելի քան թուլացած են թվում, և Պուտինի հաշվարկները Ղարաբաղի հարցում այժմ, հավանաբար, կտարբերվեն իր նախկին հաշվարկներից, որոնք նա ուներ ամիսներ առաջ, ճիշտ այնպես, ինչպես նրա «մերձավոր արտասահմանի» պարագայում»:

Լուսինե Մուսայելյան

Նյութի մանրամասները կարդացեք «Ազատություն» ռադիոկայանի կայքում

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2014
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31