Լրահոս
Օրվա լրահոսը

Դիլիջանում կայացել է «Premier’s Cup-դիլիջանյան խաղեր 2014» ինտելեկտուալ խաղերի միջազգային փառատոնը

Մարտ 31,2014 14:16

Ս.թ. մարտի 28-30-ը Դիլիջանում կայացել է «Ի՞նչ, որտե՞ղ, ե՞րբ» խաղի «Premier’s Cup-դիլիջանյան խաղեր 2014» ինտելեկտուալ խաղերի միջազգային փառատոնը: Այն անցկացվում է վարչապետ Տիգրան Սարգսյանի բարձր հովանու ներքո և կազմակերպվում է «Գիտակների հայկական ասոցիացիա»-ի կողմից:

2013 թվականին փառատոնն անցկացվել է առաջին անգամ՝ միայն հայկական և վրացական թիմերի մասնակցությամբ: Այս տարի Հայաստանի և Վրաստանի լավագույն գիտակների հետ մրցում էին նաև Ռուսաստանի և Բելառուսի ուժեղագույն գիտակները՝ «Ի՞նչ, որտե՞ղ, ե՞րբ» խաղի մագիստր Մաքսիմ Պոտաշյովի գլխավորությամբ:

2 1

Երկօրյա ինտելեկտուալ խաղերի շրջանակում «Ի՞նչ, որտե՞ղ, ե՞րբ» մրցաշարում հաղթել է Մաքսիմ Պոտաշյովի գլխավորած թիմը, «Բրեյն-ռինգ»-ում՝ աշխարհի չեմպիոն մոսկովյան «Քսեպ» թիմը, «Էրուդիտ-Սեկստետ»-ում՝ Երևանի «Պերեզագրուզկա» թիմը, իսկ «Քո խաղը» մրցաշարում՝ Սանկտ Պետերբուրգը ներկայացնող Ալեքսանդր Լիբեռը: ՀՀ կառավարության աշխատակազմի ղեկավար-նախարար Վաչե Գաբրիելյանը ՀՀ վարչապետի անունից ողջունել ու շնորհավորել է հաղթող ճանաչված թիմերին և նրանց հանձնել նախատեսված մրցանակները:

Ընդհանուր առմամբ միջազգային փառատոնին մասնակցում էր 22 թիմ` 11 հայկական և 11 արտասահմանյան: Հայաստանի, Ռուսաստանի, Բելառուսի և Վրաստանի ուժեղագույն գիտակները ժամանել էին Մոսկվայից, Սանկտ-Պետերբուրգից, Կազանից, Դոնի Ռոստովից, Մինսկից, Թիֆլիսից, Զուգդիդիից, Երևանից և Ստեփանակերտից:

ՀՀ ԿԱՌԱՎԱՐՈՒԹՅԱՆ
ՏԵՂԵԿԱՏՎՈՒԹՅԱՆ ԵՎ
ՀԱՍԱՐԱԿԱՅՆՈՒԹՅԱՆ
ՀԵՏ ԿԱՊԵՐԻ ՎԱՐՉՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2014
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31