«Սահմանադրական դատարանի որոշումը փաստեց, որ մեր մշակած ու ընդունած օրենքի դրույթները չեն համապատասխանում Սահմանադրությանը»,-ԱԺ ոչ իշխանական խմբակցությունների 36 պատգամավորների դիմումի հիման վրա «Կուտակային կենսաթոշակների մասին» օրենքի կուտակային պարտադիր բաղադրիչի հետ կապված դրույթների սահմանադրականության հարցի դատաքննության գործով որոշման հրապարակումից հետո այսպիսի կարծիք հայտնեց ՀՀ ԱԺ սոցիալական հարցերի մշտական հանձնաժողովի նախագահ Հակոբ Հակոբյանը:
Նա նշեց. «Հստակ կարող ենք ասել, որ պիտի լինեն օրենսդրական փոփոխություններ` կապված կուտակային բաղադրիչի հետ: ՍԴ-ի որոշումը սա էր»:
Հստակեցմանը, սա նշանակո՞ւմ է, որ պարտադիր բաղադրիչն այլևս չի լինելու, պարոն Հակոբյանը պատասխանեց. «Նման բան չեմ կարող ասել: ՍԴ-ն փաստեց այն, որ մի շարք դրույթներ չեն համապատասխանում Սահմանադրությանը: Հետևաբար դրանք պիտի փոխենք»:
Հարցին` պարտադիր գանձումները դադարեցվելու են և գանձված գումարները վերահաշվարկ արվելու ու վերադարձվելո՞ւ է քաղաքացիներին, պարոն Հակոբյանն այսպես արձագանքեց. «Չեմ կարող վճարման մասին խոսել մինչև երկու օր անցնի, ՍԴ որոշումը կարդանք, հասկանանք, ըստ որի` կլինի համապատասխան հայտարարություն»: Հակոբ Հակոբյանը վստահեցրեց, թե «ինչ որոշել է ՍԴ-ն, դա էլ կկատարենք: Դատարանի որոշումը փաստեց, որ մեր մշակած ու ընդունած օրենքի դրույթները չեն համապատասխանում Սահմանադրությանը: Սա պարտություն չէր, մեր հիմնական նպատակը ձևակերպել ենք պարզ և մեր նպատակը չի փոխվել»:
Կարդացեք նաև
Հստակեցմանը` պարտադիրը հանվե՞լ է, պարոն Հակոբյանն այսպես արձագանքեց. «Պետք է ուշադրությամբ նայել օրենքի դրույթները և հասկանալ, որ պարտադիրը չի հանվել: Պարտադիրի մասով որոշ հոդվածներ հակասում են Սահմանադրությանը»:
ՀՀ աշխատանքի և սոցիալական հարցերի նախարար Արտեմ Ասատրյանը ՍԴ վճռի մասին ասաց հետևյալը. «ՍԴ-ն Սահմանադրություն իրականացնող բարձրագույն մարմինն է և բոլորը պարտավոր են կատարել այդ որոշումները: Կուսումնասիրենք որոշման բովանդակությունը և լրացուցիչ տեղեկատվություն կտրամադրենք»:
Հարցին` վերահաշվարկ նշանակո՞ւմ է այն, որ քաղաքացիներին գանձված գումարները ետ են վերադարձվելու, պարոն Ասատրյանն ասաց. «Մենք դեռ կուսումնասիրենք որոշումը, նոր նման պատասխան կտանք»:
Տաթև ՀԱՐՈՒԹՅՈՒՆՅԱՆ
Այս ամենը իշխանություն-ՍԴ համաձայնության արդյունքն էր:Մինչ այս արդեն իշխանության շուրթերից հնչում էր որոշ թերությունների մասին,եւ ՍԴ-ն թույլ տվեց:Այդքան բան…