Aravot.am-ի տեղեկություններով, ՊԵԿ նախագահ Գագիկ Խաչատրյանը օրերս պաշտոնի է նշանակել Շիրակի մարզի նախկին փոխոստիկանապետ, ՀՀԿ-ական պատգամավոր Սուքիաս Ավետիսյանի եղբորը`Հարություն Ավետիսյանին: Նշենք, որ ՀՀ ոստիկանապետ Վլադիմիր Գասպարյանը նրան կադրերի ռեզերվ էր ուղարկել դեռևս անցած տարվա հունիսից` մինչև օրս ոստիկանական համակարգում ոչ մի աշխատանք չառաջարկելով:
Փոխարենը ՊԵԿ նախագահն է պատգամավորի եղբորը նշանակել բավական պատասխանատու, հեղինակավոր և միաժամանակ խիստ եկամտաբեր պաշտոնի: Նա նշանակվել է Գյումրու «Շիրակ» օդանավակայանի մաքսային ծառայության ղեկավար:
Նշենք, որ Շիրակ օդանավակայանի մաքսայինի պետին էլ` Արմեն Հայրապետյանին ոչ թե ազատել են աշխատանքից, այլ նրա պաշտոնը ցածրացրել են` նրան դարձնելով տեղակալ Սուքիաս Ավետիսյանի եղբորը: Հետաքրքիրն այն է, որ օդանավակայանի մաքսայինի` արդեն տեղակալ դարձած պետը, ըստ Գյումրիում շրջանառվող լուրերի, ԱԱԾ-ի պետ Գորիկ Հակոբյանի բարեկամն է:
Նունե ԱՐԵՎՇԱՏՅԱՆ
Նունե ջան դուք նոռմալ լրագրողների դասին եք պատկանում պատվեր միկ կատարեք Արմենը պետ չի էլ եղել
էս ինչ արտահայտություն է՝ պաշտոնի է նշանակել?սա լրագրողի խոսք է?