«Ես կոֆեի բաժակ նայող չեմ եւ չեմ կարող ասել ինչ է լինելու: Ենթադրություն անելուց հուշտ չեմ լինում, բայց չեմ ուզում պատասխանել»,- այսօր «Հայելի» ակումբում ասաց ԱԺ հանրապետական խմբակցության պատգամավոր Վարդան Այվազյանը, որը հրաժարվեց պատասխանել ՀՀ վարչապետ Տիգրան Սարգսյանի հրաժարականի վերաբերյալ հարցերին: Պարոն Այվազյանն ասաց, որ դա կուսակցական որոշում էր, եւ երբ լրագրողները փորձեցին նորից շարունակել վարչապետի հրաժարականի մասի հարցերը, պարոն Այվազյանը նորից հրաժարվեց պատասխանել, սպառնալով, որ ասուլիսի չի մնա: Պարոն Այվազյանը որքան էլ հրաժարվում էր պատասխանել վարչապետի հրաժարականի վերաբերյալ հարցերին, այնուամենայնիվ կարծիք հայտնեց, որ այդ հրաժարականը կապված չէր ոչ իշխանական 4 ուժերի ակտիվության հետ:
Նելլի ԲԱԲԱՅԱՆ