Ռասմուսեն. «ՆԱՏՕ-ն դիմում է իր գործընկերների առավել արդյունավետ պաշտպանության միջոցների». «Ամերիկայի ձայն»

ՆԱՏՕ-ի գլխավոր քարտուղար Անդերս Ֆոգ Ռասմուսենն ուրբաթ օրն ասել է, թե Ռուսաստանը պետք է հեռացնի իր զինված ուժերի ստորաբաժանումները Ուկրաինայի սահմանների մոտակայքից և անկեղծ երկխոսություն մեկնարկի Արևելքի հետ:

Ռասմուսենն ասել է նաև, որ Հյուսիսատլանտյան դաշինքը չի քննարկում Ուկրաինայում ռազմական գործողությունների դիմելու հնարավորությունը՝ միաժամանակ նշելով, որ այն դիմում է իր գործընկերներին առավել արդյունավետ պաշտպանելուն միտված քայլերին:

ՆԱՏՕ-ն ավելի վաղ հրապարակել է պատկերներ, որտեղ ցուցադրված են Ուկրաինայի սահմանների մոտակայքում գտնվող Ռուսաստանի զինված ուժերի ստորաբաժանումները: Լուսանկարներում պատկերված են հրետանային գումարտակներ, ուղղաթիռներ և հատուկ ուժերի ստորաբաժանումներ, որոնց զինծառայողների ընդհանուր թիվը կարող է հասնել 35-ից 40 հազարի:

Ռուսաստանի արտգործնախարար Սերգեյ Լավրովն իր հերթին ուրբաթ օրն ասել է, թե պատրաստ է ԱՄՆ-ի, Եվրոպական Միության և Կիևի հետ Ուկրաինայի շուրջ քառակողմ բանակցություններ անցկացնելուն:

Մանրամասները կարող եք կարդալ` «Ամերիկայի ձայն»-ի կայքում