Իջեւանցի բլոգեր Վահագն Թամրազյանը իր բլոգում գրել է. «Առաքելական Եկեղեցու Տավուշի թեմի առաջնորդ Տ. Եզնիկ արքեպիսկոպոս Պետրոսյանը Մկրտության ու Պսակի արարողությունները դարձրել է բիզնես: 2014թ հունվարի 1-ից նա սահմանել է այս արարողությունների սակագները: Համաձայն թեմի առաջնորդի կազմած գնացուցակի ՀԱԵ Տավուշի թեմի Իջևանի տարածաշրջանում ս. Մկրտության կտրոնն արժե 20.000 դրամ, իսկ ս. Պսակինը՝ 40.000 դրամ»:
Վահագն Թամրազյանը գրել է, որ Հայ առաքելական եկեղեցու Տավուշի թեմի առաջնորդը նաեւ արտոնություն է սահմանել կարիքավոր ընտանիքների համար: Անվճար ծիսական արարողություն կատարելու համար վերջիններս կարող են գրավոր դիմել թեմի առաջնորդին: Իսկ թե ինչպե՞ս պետք է թեմի առաջնորդը որոշի ընտանիքների կարիքավորության աստիճանը, հայտնի չէ:
Ոսկան ՍԱՐԳՍՅԱՆ
դառելա տառգովի բուդկա գնապիտակներով հանդերձ