Լրահոս
Օրվա լրահոսը

Մեդվեդև. «Ուկրաինայում քաղաքացիական պատերազմի նախազգացում է». «Ամերիկայի ձայն»

Ապրիլ 15,2014 21:08

Ռուսաստանի վարչապետ Դմիտրի Մեդվեդևը կարծիք է արտահայտել այն մասին, որ Ուկրաինայում առկա է «քաղաքացիական պատերազմի նախազգացում»:

Մեդվեդևի ֆեյսբուքյան էջում հրապարակված հաղորդագրությունը Ուկրաինայում ստեղծված իրավիճակի մեջ մեղադրում է «քաղաքական անտաղանդ գործիչներին», որոնց չեն ընտրել ուկրաինացիները:

«Ուկրաինայում կրկին արյուն է թափվել: Երկրում առկա է քաղաքացիական պատերազմի նախազգացում: Դա շատ է տխրեցնում», – նշել է Ռուսաստանի վարչապետը:

Դմիտրի Մեդվեդևը կարծիք է արտահայտել, որի համաձայն «ուկրաինական ողբերգության հիմքում ընկած է այն հանգամանքը, որ օրինական իշխանությունները նույնիսկ չէին փորձում պահպանել կարգուկանոնը երկրում, երբ այնտեղ սկսվել էր պետական մարմինների գրավումը»:

«Ընդհակառակը՝ անօրինական ղեկավարները փորձում են վերականգնել այն կարգը, որը, իշխանության գլուխ կանգնելով զինված ապստամբության արդյունքում, նրանք են լկտիաբար ոտնահարել», – ասել է Մեդվեդևը՝ նշելով, որ Ուկրաինայի ներկայիս իշխանություններն այժմ քաղում են իրենց գործողությունների հետևանքները:

«Խղճուկ վիճակում են սակայն հայտնվել ոստիկանությունն ու բանակը փոխարինած քաղաքական անտաղանդ գործիչների և անպատասխանատու ծայրահեղականների պատանդը դարձած մարդիկ, որոնք չեն ընտրել վերջիններիս: Իշխանության վակուումի հետևանքով քաոս է ձևավորվել», – նշել է Ռուսաստանի վարչապետը:

Մանրամասները կարող եք կարդալ` «Ամերիկայի ձայն»-ի կայքում:

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2014
Երկ Երե Չոր Հնգ Ուրբ Շաբ Կիր
« Մար   Մայիս »
 123456
78910111213
14151617181920
21222324252627
282930