Ապրիլի 21-ին ժամը 17.00-ին Aravot.am կայքում ուղիղ հեռարձակմամբ դիտեք Հայաստանի Հելսինկյան կոմիտեի նախագահ Ավետիք Իշխանյանի եւ «Նոյյան Տապան» լրատվական գործակալության վերլուծաբան Դավիթ Պետրոսյանի բանավեճը: Թեման՝ Ուկրաինայի շուրջ տեղի ունեցող իրադարձությունները:
Հաղորդումը վարում է Արամ Աբրահամյանը:
Հաղորդման հյուրերին կարող եք հարցեր ուղղել այս գրառման ներքո՝ որպես մեկնաբանություն, նաեւ օգտագործելով Facebook-ը եւ Twitter-ը: Սպասում ենք ձեր հարցերին եւ արձագանքներին:
Հիշեցնում ենք, որ մեր կայքում չեն հրապարակվում տրանսլիտով գրված կամ վիրավորանք պարունակող մեկնաբանությունները:
Կարդացեք նաև
Ուկրաինայի շուրջ տեղի ունեցած և ունեցող իրադարձությունները ինչ՞ հետևանք կարող են ունենալ մեր երկրի համար, և այս իրադարձությունները ինչ-որ կերպ կարող՞ է մեզ կողմնորոշել մեր արտաքին քաղաքականության հարցում:
Հարգելի Պարոն Աբրահամյան,
Կարո՞ղ եք արդյոք Ձեր հյուրերի օգնությամբ պարզել.
– ինչո՞ւ Ղրիմի բնակչության ինքնորոշման փաստը մեր ղեկավարները չկարողացան նվազագույնս օգտագործել Արցախյան փակուղուց արժանապատիվ ելք փնտրելու համար
– ինչո՞ւ է ադրբեջանական քարոզչական մեքենային հաջողվում նույն Ղրիմի հարցի շահարկումով քաղաքական ռեալ ձեռքբերում արձանագրել։
Միայն, խնդրում եմ, չբավարարվել Արևմուտք-Ռուսաստան հակամարտ բինոմի կամ «Արևմուտքն այսպես…, Արևմուտքն այնպես… » մանկապարտեզային մտավարժության ձևակերպումներով։
Հյուրերի ասելիք չունենալն էլ` ախտորոշում է։ Առնվազն, այլևս չհրավիրվելու և եթերը չխճողելու առումով։
Հարգանքներով`
Կարեն ԱԳՈՒԼՅԱՆ
Փարիզ