Նախագահ Սերժ Սարգսյանին այսօր զայրացրեց ակադեմիկոս Ռուբեն Ջրբաշյանի այն հայտարարությունը, թե չի կարելի թույլ տալ, որ Սևանից մեծ ծավալով ջրի բացթողումներ կատարվեն:
Գիտությունների ազգային ակադեմիայի տարեկան ժողովում Ջրբաշյանը, մասնավորապես, կոչ արեց Ակադեմիային արգելել Սևանի ջրի բացթողումը՝ ընդգծելով, որ Սևանա լիճը ոչ միայն բնապահպանական, այլ նաև ռազմավարական, հայ ժողովրդի գոյատևման օբյեկտն է:
«Մեր ժողովուրդը կարող է այստեղից վերանալ, եթե չունենալ ջուր: Հարգելի ընկերներ, հարգելի դեպուտատներ, ինչպիսի հեշտությամբ դուք ձեր՝ անկարողություն ասեմ, անընդունակություն ասեմ, շատ կարճ ժամանակային հարցերը լուծելու համար այսպիսի հեշտությամբ դնում եք Սևանի ջրի ավելցուկը բացելու հարցը», – հայտարարեց ակադեմիկոսը:
Սերժ Սարգսյանին ակնհայտորեն դուր չեկան Ջրբաշյանի այս խոսքերը:
Կարդացեք նաև
«Եթե պրոբլեմներ են առաջացել՝ կապված բնակլիմայական պայմանների հետ և այլն, ի՞նչ եք առաջարկում, որպեսզի Արարատյան դաշտավայրը չորանա՞, էս տարի բերք չունենա՞նք, ինչ է թե 100 խորանարդ մետր ջուր չպիտի վերցնենք էն ավելցուկից, որ կուտակել ենք: Դե էդ դեպքում ամեն ինչը փակենք, ընդհանրապես, ոչ հանք օգտագործենք, ոչ ջուր օգտագործենք, ոչինչ չօգտագործենք, ասենք՝ էս ամբողջը պահում ենք, վաղը կարող է պետք գա», – ասաց նախագահը:
Սարգսյանը չհամաձայնեց նաև ակադեմիկոսի այն դիտարկմանը, թե Սևանից բաց թողնված ջրի մեծ մասը գնում է Ադրբեջան: «Ես խնդրում եմ՝ Սևանի մասին մասնագիտական խոսք ասեք, ոչ թե հուզական, և Սևանի ջրից մի կաթ անգամ Ադրբեջան չի գնում», – հայտարարեց նախագահը:
Հոդվածն ամբողջությամբ՝ սկզբնաղբյուր կայքում
Սա կարծես «Քաջ Նազարի» նոր բէմադրությունն է…?
Ռուբեն Ջրբաշյանի պես մարդկանց շնորհիվ է որ շատերը չեն արտագաղթում: Ջուրը ապագայի ամենաթանկ ու ամենակարևոր զենքերից է լինելու և մեր պարտքն է ոսկու պես մաքուր պահել այն: