Լրահոս
Օրվա լրահոսը

Ազգայնականները դատապարտել են, հիմնական ընդդիմադիրները ողջունել Էրդողանի՝ հայերին ուղղված ցավակցական ուղերձը. Hurriyet

Ապրիլ 23,2014 20:10

Թուրքիայի Ազգայնական շարժում կուսակցության առաջնորդ Դեվլեթ Բահչելին դատապարտել է վարչապետ Ռեջեփ Թայիփ Էրդողանի 1915թ. դեպքերի հետ կապված հայերին ուղղված ցավակցական ուղերձը, իսկ հիմնական ընդդիմադիր՝ Ժողովրդահանրապետական կուսակցությունը ողջունել է այն, հայտնում է «Հուրիեթ» թերթը:

«Ոչ մի գնահատական հնարավոր չէ տալ [ուղերձին]: Սա մեծ հարված է այս ժողովրդի համար», – ասել է Բահչելին:

ԺՀԿ-ի փոխնախագահ Ֆարուք Լողողլուն ողջունել է Էրդողանի քայլը, սակայն զարմանք հայտնել, թե այսքան տարիներ իշխանությանը լինելուց հետո ինչու է կառավարությունն ընտրել հենց 2014թ. նման հայտարարություն անելու համար:

Ընդդիմադիր գործիչը ևս ցավակցել է 1915թ. «հանգամանքների» պատճառով զոհ դարձած մարդկանց ժառանգներին՝ շեշտելով, որ կարևոր չէ նրանք հայ են, մահմեդական, թե այլ ազգի ներկայացուցիչ:

Թուրքիայի վարչապետ Ռեջեփ Թայիփ Էրդողանը ապրիլի 23-ին 8 լեզվով հաղորդագրություն էր տարածել, որտեղ ցավակցություն էր հայտնել 20-րդ դարասկզբին զոհված հայերի սերունդներին:

 

Պատրաստեց Հովհաննես ԻՇԽԱՆՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2014
Երկ Երե Չոր Հնգ Ուրբ Շաբ Կիր
« Մար   Մայիս »
 123456
78910111213
14151617181920
21222324252627
282930